മണ്ണാർക്കാട് : പാലക്കാട് മണ്ണാർക്കാട്ട് സ്വദേശി മുഹമ്മദ് റഫീഖിന്റെ മരണത്തില് പരാതിയുമായി കുടുംബം. റഫീക്ക് മരിച്ചത് ബ്ലേഡ് മാഫിയയുടെ ഭീക്ഷണിയെ തുടര്ന്നാണെന്നാണ് കുടുംബം പോലീസില് പരാതി നല്കിയിരിക്കുന്നത്. ഈ മാസം 13 ന് രാത്രി മുതലാണ് റഫീഖിനെ കാണാതായത്. 15 ന് രാവിലെ നെല്ലിപുഴയുടെ തീരത്ത് മരിച്ച നിലയില് റഫീഖിനെ കണ്ടെത്തുകയായിരുന്നു. റഫീഖ് ആളുകളില് നിന്ന് പലിശക്ക് പണം കടമെത്തിരുന്നു. പണം തിരിച്ചടക്കാത്തതിനാൽ കടുത്ത ഭീഷണി നേരിട്ടിരുന്നതായി റഫീഖിന്റെ കുടുംബം. റഫീഖിനെ അന്വേഷിച്ച് വീട്ടിലും ഒരു സംഘം ആളുകൾ എത്തിയിരുന്നതായി കുടുംബം പറയുന്നു.
