ഫ്രൈഡ് ചിക്കന്റെ പരസ്യത്തില് അഭിനയിച്ചതിന് പിന്നാലെ നടി രശ്മിക മന്ദാനക്കെതിരെ രൂക്ഷവിമര്ശനം. പ്രശസ്ത ജങ്ക് ഫുഡ് കമ്പനിയുടെ ചിക്കന് ബര്ഗറിന്റെ പരസ്യത്തില് സസ്യഭുക്കായ നടി ബര്ഗര് കഴിക്കുന്നതാണ് പരസ്യം. ആളുകളെ പരസ്യത്തിലൂടെ കബിളിപ്പിക്കുകയാണ് നടി ചെയ്യുന്നതെന്നാണ് ഉയരുന്ന വിമര്ശനം. സസ്യഭുക്കായ നടി ആളുകളെ പരസ്യത്തിലൂടെ തെറ്റിദ്ധരിപ്പിക്കുകയാണെന്നാണ് പ്രേക്ഷകര് പറയുന്നത്. നേരത്തെ നല്കിയ ഒരു അഭിമുഖത്തില് താന് വെജിറ്റേറിയനാണെന്ന് നടി പറഞ്ഞിരുന്നു.
നടിക്കെതിരെയുളള വിമര്ശനം കടുത്തതോടെ പരസ്യത്തിന്റെ കമന്റ് ബോക്സ് ഓഫ് ചെയ്തിരിക്കുകയാണ്. കൂടാതെ സമൂഹത്തിന് മാതൃകയായകേണ്ട താരങ്ങള് ജങ്ക് ഫുഡിനെ പ്രോത്സാഹിപ്പിക്കുന്നത് തെറ്റാണെന്നുമുള്ള പ്രതികരണം എത്തുന്നുണ്ട്. ഇത്തരം അനാരോഗ്യകരമായ ഭക്ഷണത്തെ പ്രോത്സാഹിപ്പിക്കരുതെന്നും നിങ്ങളെ കണ്ട് എല്ലാവരും അത് അനുകരിക്കാന് ശ്രമിക്കുമെന്നുമുള്ള വിമര്ശനങ്ങളാണ് ഉയരുന്നത്.
