ലഖിംപൂര് : തടസങ്ങളെ പ്രതിഷേധം കൊണ്ട് നേരിട്ട് രാഹുല് ഗാന്ധിയും പ്രിയങ്ക ഗാന്ധിയും ലഖിംപൂരിലെത്തി. പാലിയയിലെ നോവാ ഗ്രാമത്തിലെ കര്ഷകരുടെ വീടുകളിലെത്തി സന്ദര്ശിക്കുകയാണ്. ഉത്തര്പ്രദേശ് പോലീസിന്റെ കരുതല് തടങ്കലില് നിന്ന് വിട്ടയച്ച പ്രിയങ്ക ഗാന്ധിക്കൊപ്പമാണ് രാഹുല് ലഖിംപൂരിലെത്തിയത്.
ലഖിംപൂര് സന്ദര്ശിക്കാന് രാഹുലിനെ അനുവദിക്കില്ലെന്നായിരുന്നു നേരത്തെ യു.പി സര്ക്കാറിന്റെ നിലപാട്. പ്രതിഷേധത്തെ തുടര്ന്നാണ് ഇരുവര്ക്കും സ്ഥലം സന്ദര്ശിക്കാന് യു.പി സര്ക്കാര് അനുമതി നല്കിയത്. കര്ഷക കുടുംബങ്ങളെ സന്ദര്ശിക്കാനെത്തിയ പ്രിയങ്കയെ തിങ്കളാഴ്ച കസ്റ്റഡിയിലെടുത്തിരുന്നു.
സ്വന്തം വാഹനത്തില് പോകാന് അനുവദിക്കില്ല പോലീസ് വാഹനത്തില് യാത്ര ചെയ്താ മതിയെന്നു പറഞ്ഞതിനെ തുടര്ന്ന് എയര്പോര്ട്ടില് രാഹുല് ഗാന്ധി കുത്തിയിരുപ്പ് സമരം നടത്തിയിരുന്നു തുടര്ന്ന് സ്വന്തം വാഹനത്തില് പോകാന് അനുവദിക്കുകയായിരുന്നു.
