പാലക്കാട്: പാലക്കാട് അമിത പലിശ ഈടാക്കി സ്വകാര്യ ധനകാര്യ സ്ഥാപനം നടത്തിയിരുന്ന ഉടമയ്ക്കെതിരെ കേസ്. ചെര്പ്പുളശേരിയിലെ സ്വകാര്യ ധനകാര്യ സ്ഥാപനമായ ചൈതന്യ ബാങ്കേഴ്സ് ഉടമ കുലുക്കല്ലൂര് പന്തലിങ്കല് വീട്ടില് മോഹന്ദാസ് (65) എന്നയാള്ക്കെതിരെയാണ് കേസ് എടുത്തത്. സ്ഥാപനത്തില് നടത്തിയ പരിശോധനയ്ക്ക് ശേഷം ജീവനക്കാരി നെല്ലായ പൊമ്പിലായ നെച്ചിപ്പുറത്ത് വീട്ടില് ബിന്ദു(42) വിനെ പോലീസ് അറസ്റ്റ് ചെയ്തിട്ടുണ്ട്. ലൈസന്സ് വ്യവസ്ഥ ലംഘിച്ച് വായ്പക്കാരില് നിന്ന് ഒപ്പിട്ട് വാങ്ങി സൂക്ഷിച്ച വെള്ള പേപ്പറും ബ്ലാങ്ക് ചെക്കുകളും ഇവരുടെ ഓഫീസില് നിന്ന് പിടിച്ചെടുത്തിട്ടുണ്ട്.
അമിത പലിശ ഈടാക്കിയതിന് കേരള മണി ലെന്ഡേഴ്സ് ആക്ട് പ്രകാരമാണ് ചെര്പ്പുളശേരി പോലീസ് കേസ് രജിസ്റ്റര് ചെയ്തിട്ടുള്ളത്. കോടതിയില്ഹാജരാക്കിയ ബിന്ദുവിനെ റിമാന്ഡ് ചെയ്തു. ഉടമ മോഹന് ദാസ് ഒളിവിലാണ്. വായ്പക്കാരില് നിന്ന് ഒപ്പിട്ട് വാങ്ങിയ നിരവധി വെള്ള പേപ്പറുകളും വിവിധ ബാങ്കുകളുടെ ഒപ്പിട്ട അഞ്ച് ചെക്ക് ലീഫുകളും കണ്ടെടുത്തിട്ടുണ്ട്. എസ് എച്ച് ഒ ടി ശശികുമാറിന് ലഭിച്ച രഹസ്യ വിവരത്തെ തുടര്ന്ന് ചൈതന്യ ബാങ്കേഴ്സിന്റെ ചെര്പ്പുളശ്ശേരി ഓഫീസില് നടത്തിയ പരിശോധനയിലാണ് നിയമ വിരുദ്ധ രേഖകള് സൂക്ഷിച്ചതായി കണ്ടെടുത്തത്.
