ഡല്ഹി : കൊറോണ വ്യാപനം തടയാന് കേന്ദ്രസര്ക്കാര് പ്രഖ്യാപിച്ച ലോക്ക് ഡൗണ് നിട്ടില്ലെന്ന കേന്ദ്രസര്ക്കാരിന്റെ വിശദീകരണത്തിന് പിന്നാലെ റെയില്വേയും വിമാന കമ്പനിയും ബുക്കിംഗ് ആരംഭിച്ചു. ഏപ്രില് 15 മുതലുള്ള ടിക്കറ്റ് ബുക്കിംഗാണ് ആരംഭിച്ചത്. ഏപ്രില് 14നാണ് ലോക്ക് ഡൗണ് അവസാനിക്കുന്നത്.
റെയില്വേയെ കൂടാതെ സ്പൈസ്ജെറ്റ്, ഇന്ഡിഗോ, ഗോ എയര് എന്നീ വിമാനകമ്പനികളാണ് ബുക്കിംഗ് ആരംഭിച്ചത്. ലോക്ക് ഡൗണ് നീട്ടില്ലെന്ന വ്യക്തമായ സൂചനയുടെ അടിസ്ഥാനത്തിലാണ് ടിക്കറ്റ് ബുക്കിംഗ് പുനരാരംഭിച്ചതെന്ന് റെയില്വേ വൃത്തങ്ങള് സൂചിപ്പിച്ചു.
ഇന്ത്യ ലോക്ക് ഡൗണ് നീട്ടിയേക്കും എന്ന തരത്തില് സോഷ്യല് മീഡിയയില് വാര്ത്തകള് പ്രചരിച്ചിരുന്നു. എന്നാല് രാജ്യത്ത് ലോക്ക് ഡൗണ് നീട്ടില്ലെന്ന് ക്യാബിനറ്റ് സെക്രട്ടറി രാജീവ് ഗൗബ നേരത്തെ അറിയിച്ചിരുന്നു. ലോക്ക് ഡൗണ് നീട്ടുന്നതിനെക്കുറിച്ചുള്ള ഒരു ആലോചനയും കേന്ദ്ര സര്ക്കാര് നടത്തുന്നില്ല. ഇത്തരം വാര്ത്തകള് കാണുമ്പോള് ആശ്ചര്യം തോന്നുകയാണെന്നായിരുന്നു അദ്ദേഹത്തിന്റെ പ്രതികരണം.
