തിരുവനന്തപുരം : സംസ്ഥാനത്ത് വ്യാഴാഴ്ചവരെ ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഉച്ചക്ക് 2 മണി മുതല് രാത്രി 10 മണിവരെയുള്ള സമയത്താണ് ഇടിമിന്നലിനുള്ള സാധ്യത കൂടുതലുള്ളത്. മലയോര മേഖലയിലുള്ളവര് ഇടിമിന്നല് തീവ്രമാകാന് സാധ്യതയുള്ളതിനാല് ജാഗ്രത പാലിക്കണമെന്ന് മുന്നറിയിപ്പുണ്ട്.
ആളുകളുടെ ജീവനും മറ്റ് വൈദ്യുത വീട്ടുപകരണങ്ങള്ക്കും നാശനഷ്ടം സംഭവിക്കാനിടയുണ്ട്. ഈ സമയങ്ങളില് അന്തരീക്ഷം മേഘാവൃതമാണെങ്കില് കുട്ടികള് ടെറസ്സിലും തുറസായ സ്ഥലത്തും കളിക്കുന്നില്ലെന്ന് ഉറപ്പുവരുത്തണമെന്ന് ജാഗ്രതാനിര്ദേശത്തില് പറയുന്നു.
