പത്തനംതിട്ട: പത്തനംതിട്ട നഗരസഭയിലെ മുഴുവൻ ഹരിതകർമ്മ സേന അംഗങ്ങൾക്കും റെയിൻകോട്ട് വിതരണം ചെയ്തു. നഗരസഭാ ചെയര്മാന് അഡ്വ. സക്കീര് ഹുസൈന് റെയിൻകോട്ട് വിതരണം ഉദ്ഘാടനം ചെയ്തു. ഹരിത കർമ്മ സേന വാതിൽപ്പടി സേവനത്തിലൂടെ ശേഖരിച്ച ഖരമാലിന്യങ്ങൾ തരംതിരിച്ച് ക്ളീൻ കേരള കമ്പനിയ്ക്ക് നൽകിയത് വഴി ലഭിച്ച ഒന്നേകാൽ ലക്ഷം രൂപ അംഗങ്ങൾക്ക് തൊഴിൽ ദിനങ്ങളുടെ അടിസ്ഥാനത്തിൽ വിതരണം ചെയ്യുകയും ഉണ്ടായി. എന്റെ മാലിന്യം എന്റെ ഉത്തരവാദിത്വം എന്നതിന് മുൻതൂക്കം നൽകി എല്ലാ വീടുകളിലും സേവനം നൽകുന്നതിനുള്ള നടപടികൾക്കു മുൻതുക്കം നൽകിയുള്ള പ്രവർത്തനങ്ങൾ നഗരസഭ നടത്തുന്നുണ്ടെന്നും നഗരസഭയിൽ നിന്നും ലഭിക്കുന്ന എല്ലാ സേവനങ്ങൾക്ക് ഹരിത കർമ്മ സേനയുടെ സേവന രസീത് നിർബന്ധമാക്കുമെന്നും ചെയർമാൻ പറഞ്ഞു.
നഗരസഭാ ആരോഗ്യ സ്ഥിരം സമിതി ചെയര്മാന് ജെറി അലക്സ് അധ്യക്ഷനായ യോഗത്തിൽ ഡെപ്യൂട്ടി ചെയർപേഴ്സൺ അമീന ഹൈദരാലി, കൗൺസിലർ അനീഷ് പി കെ, നഗരസഭ സെക്രട്ടറി സുധീർരാജ്, ക്ളീൻ സിറ്റി മാനേജർ എം പി വിനോദ് ഹെൽത്ത് ഇൻസ്പെക്ട്ടർ എസ് സതീഷ് കുമാർ, ജെ എച്ച് ഐമാരായ എം സന്തോഷ് കുമാർ, സുജിത എസ് പിള്ള, കാവ്യ കല, എ അനീന, ഹരിതകർമ്മ സേന കൺസോർഷ്യം പ്രസിഡന്റ് ഷീന ബീവി, സെക്രട്ടറി ബിന്ദു കെ, ഗ്രീൻ വില്ലേജ് സീനിയർ പ്രോജക്ട് കോർഡിനേറ്റർ പ്രസാദ് ഇളംകുളം എന്നിവർ സന്നിഹിതരായിരുന്നു.