മുംബൈ : അശ്ലീലചിത്ര നിര്മ്മാണ കേസില് അറസ്റ്റിലായ വ്യവസായിയും നടി ശില്പ ഷെട്ടിയുടെ ഭര്ത്താവുമായ രാജ് കുന്ദ്രയുടെ കസ്റ്റഡി നീട്ടി. കുന്ദ്രയുടെയും കേസിലെ മറ്റൊരു പ്രതിയായ റ്യാന് തോര്പിന്റെയും പോലീസ് കസ്റ്റഡി ഈമാസം 27 വരെയാണ് മുംബൈ മജിസ്ട്രേറ്റ് കോടതി നീട്ടിയത്.
റിമാന്ഡ് കാലാവധി വെള്ളിയാഴ്ച തീര്ന്നതിനെ തുടര്ന്നാണ് പോലീസ് ഇരുവരെയും കോടതിയില് ഹാജരാക്കിയത്. അശ്ലീല ചിത്രങ്ങള് നിര്മ്മിക്കുകയും അവ സമൂഹമാധ്യമങ്ങള് വഴി പ്രചരിപ്പിക്കുകയും ചെയ്തുവെന്ന കേസില് ഈമാസം 19നാണ് കുന്ദ്രയെ പോലീസ് അറസ്റ്റ് ചെയ്തത്.
