പത്തനംതിട്ട: പത്തനംതിട്ടയിൽ സിപിഎം പ്രവർത്തകന്റെ വീട്ടിൽ പോലീസ് അതിക്രമം നടത്തിയതിൽ പ്രതികരിച്ച് സിപിഎം ജില്ലാ സെക്രട്ടറി രാജു എബ്രഹാം. അടിയന്തരാവസ്ഥയുടെ പ്രേതം ബാധിച്ച പോലീസാണ് കേരളം ഭരിക്കുന്നതെന്നും അദ്ദേഹം പറഞ്ഞു. എൽസി സെക്രട്ടറി നിതിന്റെ വീട്ടിലാണ് അർദ്ധരാത്രി പോലീസെത്തി അതിക്രമം കാണിച്ചത്. പോലീസ് കാട്ടിയത് ഭീകരമായ അതിക്രമം. പൂട്ട് പോലുമില്ലാത്ത വീട്ടിൽ എങ്ങനെ ഒരാളെ താമസിപ്പിക്കും. അടിയന്തരാവസ്ഥയുടെ പ്രേതം ബാധിച്ച പോലീസ് ആണ് കേരളം ഭരിക്കുന്നത്. കോൺഗ്രസിന്റെ ഒറ്റുകാരാണ് ഇതിന് പിന്നിൽ.
അർജുൻ ആയങ്കിയിൽ കസ്റ്റഡിയിൽ ആയ ശേഷമായിരുന്നു പോലീസ് പരിശോധന. ശാസ്ത്രീയ പരിശോധനകൾ നടത്തണമായിരുന്നു. 60 വീടുകളാണ് ഉള്ളത്. നിതിൻ കോൺഗ്രസിലെ കണ്ണിലെ കരടാണ്. അതുകൊണ്ടാണ് അടിയന്തരാവസ്ഥ പോലെ പരിശോധന നടത്തിയത്. മനുഷ്യാവകാശ ലംഘനമാണ് നടന്നത്. സ്ത്രീകൾ താമസിക്കുന്ന വീടുകളാണ്. യാതൊന്നും ചോദിക്കാതെയാണ് പോലീസ് അതിക്രമം നടത്തിയതെന്നും രാജു എബ്രഹാം പറഞ്ഞു. അതേസമയം പോലീസ് അതിക്രമത്തിൽ സിപിഐഎം ശക്തമായി പ്രതിഷേധിച്ചിരിക്കുകയാണ്.
