ന്യൂഡല്‍ഹി : ജൂണിനും ആഗസ്റ്റിനും ഇടയില്‍ 15 സംസ്ഥാനങ്ങളില്‍ നിന്നുള്ള 57 രാജ്യസഭാസീറ്റുകളില്‍ വരുന്ന ഒഴിവുകളിലേക്ക് ജൂണ്‍ 10ന് നടക്കുന്ന തിരഞ്ഞെടുപ്പ് ലക്ഷ്യമിട്ടുള്ള ചര്‍ച്ചകള്‍ സജീവം.11 സീറ്റ് ഒഴിവു വരുന്ന യു.പിയില്‍ അടക്കം മിക്ക സംസ്ഥാനങ്ങളിലും ബി.ജെ.പിക്കാണ് മുന്‍തൂക്കം. പത്രിക പിന്‍വലിക്കാനുള്ള അവസാന ദിവസമായ ജൂണ്‍ മൂന്നാണ്. 403 അംഗ യു.പി നിയമസഭയില്‍ 273 സീറ്റുകളുള്ള ബി.ജെ.പിക്ക് 11 സീറ്റില്‍ ഏഴെണ്ണം ഉറപ്പാണ്.
ബി.ജെ.പി എട്ടാം സീറ്റില്‍ ജയിക്കാതിരിക്കാനുള്ള ചരടുവലികളിലാണ് മുഖ്യപ്രതിപക്ഷമായ സമാജ്‌വാദി പാര്‍ട്ടി. മൂന്നെണ്ണത്തില്‍ സമാജ്‌വാദി സ്ഥാനാര്‍ത്ഥികള്‍ ജയിക്കും. ഇതിലൊന്നില്‍ പാര്‍ട്ടി പിന്തുണയോടെ സ്വതന്ത്രനായി മുന്‍ കോണ്‍ഗ്രസ് നേതാവ് കപില്‍ സിബലും മറ്റൊരു സീറ്റില്‍ ആര്‍.എല്‍.ഡി നേതാവ് ജയന്ത് ചൗധരിയും മത്സരിക്കും. എസ്.പിക്കും സഖ്യകക്ഷികള്‍ക്കും കൂടി നിയമസഭാ 125 സീറ്റുണ്ട്.
