തിരുവനന്തപുരം : വിനോദസഞ്ചാരത്തിനും ചികിത്സക്കുമായി എത്തിയ ലാഥ്വിയന് യുവതിയെ ബലാത്സംഗം ചെയ്തു കൊലപ്പെടുത്തിയ കേസിലെ പ്രധാന സാക്ഷിയായ തിരുവല്ലം വണ്ടിത്തടം ശാന്തിപുരം സ്വദേശി പ്രദീപിനു നേര്ക്കാണ് കഴിഞ്ഞദിവസം ഭീഷണി ഉണ്ടായത്. പ്രദീപിന്റെ പരാതിയുടെ അടിസ്ഥാനത്തില് വണ്ടിത്തടം തിനവിള സ്വദേശി ജയപാലന് എന്നയാള്ക്കെതിരെ തിരുവല്ലം പോലീസ് കേസ് രജിസ്റ്റര് ചെയ്തു.
ഒരു സമുദായ സംഘടനയുടെ പ്രാദേശിക നേതാവാണ് ജയപാലന്. പ്രതികളുടെ ബന്ധു കൂടിയാണ്. ഇയാള് ഇപ്പോള് ഒളിവിലാണ്. ഭീഷണിയുടെ അടിസ്ഥാനത്തില് കേസിലെ സാക്ഷികളുടെ താമസസ്ഥലങ്ങളില് പ്രത്യേകം പോലീസ് പട്രോളിങ് ഏര്പ്പെടുത്തിയിട്ടുണ്ട്. കോളിളക്കം സൃഷ്ടിച്ച ഈ കേസിന്റെ വിചാരണ ജൂണ് ഒന്നിന് ആരംഭിക്കാന് ഇരിക്കുകയാണ്. കേരളത്തില് ഏറെ കോളിളിളക്കം സൃഷ്ടിച്ച കേസയിരുന്നു ഇത്. കൊല്ലപ്പെട്ടത് വിദേശ വനിത ആയിരുന്നതിനാല് വിദേശങ്ങളിലും ഈ സംഭവം ശ്രദ്ധിക്കപ്പെട്ടിരുന്നു.