റാന്നി : തിരുവിതാംകൂർ ഹിന്ദു ധർമ്മപരിഷത് വനിതാ സത്സംഗ സമിതിയുടെ നേതൃത്വത്തിൽ രാമായണ മാസാചരണത്തിന് തുടക്കമായി. ഹിന്ദുധർമ്മ പരിഷത്ത് ഹാളില് നടന്ന പരിപാടി അങ്ങാടി പഞ്ചായത്ത് വൈസ് പ്രസിഡന്റ് പി.എസ് സതീഷ് കുമാർ ഉദ്ഘാടനം ചെയ്തു. പരിഷത്ത് പ്രസിഡൻ്റ് പി.എൻ നീലകണ്ഠൻ നമ്പൂതിരി അദ്ധ്യക്ഷത വഹിച്ചു. ജഗദമ്മരാജൻ, ശ്രീനി ശാസ്താംകോവിൽ, എ.എൻ.ബാലൻ, പ്രസാദ്കുമാർ, ഭാസ്കരൻനായർ, ആനന്ദവല്ലി, വിജയമ്മ,വൽസലാ വിജയൻ, ഉഷാ വിജയൻ, സുമതി ദാമോദരൻ, പി. എൻ. സുകുമാരൻനായർ, രാജപ്പൻ നായർ എന്നിവർ പ്രസംഗിച്ചു. വിവിധ കരകൾ കേന്ദ്രീകരിച്ചു ഇന്നു മുതൽ 31 വരെ പാരായണം നടത്തും. പരിഷത്തിൻ്റെ നേതൃത്വത്തിൽ മതപാഠശാല കുട്ടികൾക്ക് വേണ്ടി രാമായണ പാരായണ മൽസരം, പ്രശ്നോത്തരി, എന്നിവയും നടന്നു.
