പത്തനംതിട്ട: ഒട്ടും നടക്കുവാൻ സാധിക്കാത്ത ഭിന്നശേഷിക്കാരുടെ വീൽചെയറുകളിൽ പ്രവേശിക്കാൻ ആകും വിധം അഡീഷണൽ ഭിന്നശേഷി കമ്മീഷണർ കൂടിയായ പത്തനംതിട്ട ജില്ലാ കളക്ടറുടെ ഓഫീസ് പ്രവർത്തിക്കുന്ന കളക്ടറേറ്റിൽ റാംപ് നിർമ്മിക്കണമെന്ന് ആവശ്യപ്പെട്ട് സാമൂഹ്യ പ്രവർത്തകനായ റഷീദ് ആനപ്പാറ ജില്ലാ കളക്ടർക്ക് നിവേദനം നൽകി.
ഈ ആവശ്യം ഉന്നയിച്ചുകൊണ്ട് നീണ്ട 21 വർഷത്തിലധികമായി മാറിമാറി വരുന്ന ജില്ലാ കലക്ടർമാർക്ക് താൻ അപേക്ഷകൾ സമർപ്പിക്കാറുണ്ട്. എന്നാൽ ഇന്നുവരെ നടപ്പിലായിട്ടില്ല. വിവാദമായ പല പ്രശ്നങ്ങൾക്കും ജില്ലയിലെ കളക്ടർമാർ പരിഹാരം കണ്ടിട്ടുണ്ട്. എന്നാൽ ഈ ഒരു ആവശ്യത്തിന് മേൽ എന്താണ് വൈകുന്നത് എന്ന് മനസ്സിലാവുന്നില്ലെന്നും റഷീദ് ആനപ്പാറ പറഞ്ഞു.
ഇന്ത്യ മഹാരാജ്യത്ത് 1995ൽ ദേശീയ വികലാംഗ നിയമം നിലവിൽ വന്നു. ഒട്ടും നടക്കുവാൻ സാധിക്കാത്ത ഭിന്നശേഷിക്കാരുടെ വീൽ ചെയറുകൾ ഓഫീസുകൾക്കുള്ളിൽ പ്രവേശിക്കാനാകും വിധം റാമ്പുകൾ നിർമ്മിക്കണമെന്ന് 1995ലെ ദേശീയ വികലാംഗ നിയമത്തിൽ പറയുന്നുണ്ടായിരുന്നു. എന്നാൽ അതിനു ശേഷം 2016 ൽ ദേശീയ ഭിന്നശേഷി നിയമം നിലവിൽ വന്നു. ഈ രണ്ടു നിയമങ്ങളിലും ഒട്ടും നടക്കുവാൻ സാധിക്കാത്ത ഭിന്നശേഷിക്കാരുടെ വീൽചെയറുകൾ ഓഫീസുകൾക്കുള്ളിൽ പ്രവേശിക്കാൻ കഴിയും വിധം റാമ്പുകൾ നിർമ്മിക്കണമെന്ന് പറയുന്നുണ്ട്. ഏതെങ്കിലും ഓഫീസിൽ ഭിന്നശേഷിക്കാരുടെ വീൽചെയറികൾ പ്രവേശിക്കാൻ റാംപ് നിർമ്മിച്ചില്ലെങ്കിൽ ആ ഓഫീസ് മേലധികാരിക്കെതിരെ നടപടിയെടുക്കാൻ ജില്ലാ മജിസ്ട്രേറ്റ് എന്ന നിലയിലും ജില്ലാ അഡീഷണൽ ഭിന്നശേഷി കമ്മീഷണർ എന്ന നിലയിലും അധികാരമുള്ള ആളാണ് ജില്ലാ കളക്ടർ.
ദേശീയ വികലാംഗ നിയമം നിലവിൽ വന്ന് 22 വർഷം പിന്നിട്ടിട്ടും ദേശീയ ഭിന്നശേഷി നിയമം നിലവിൽ വന്നു ഏഴുവർഷം കഴിഞ്ഞിട്ടും സംസ്ഥാനത്ത് പല കളക്ടറേറ്റുകളിലും ഒട്ടും നടക്കുവാൻ സാധിക്കാത്ത ഭിന്നശേഷിക്കാരുടെ വീൽചെയറുകൾ പ്രവേശിക്കാൻ ആകുംവിതം റാമ്പുകൾ നിർമ്മിച്ചിട്ടും പത്തനംതിട്ട ജില്ലാ കളക്ടറേറ്റിൽ നാളിതുവരെ റാമ്പ് നിർമ്മിച്ചിട്ടില്ല എന്നത് ഖേദകരമാണ്.
പത്തനംതിട്ട ജില്ലാ കളക്ടറേറ്റിൽ വിവിധ ആവശ്യങ്ങൾക്ക് വേണ്ടിവരുന്ന ഭിന്നശേഷിക്കാരെ പല അവസരങ്ങളിലും കളക്ട്രേറ്റിലെ ജീവനക്കാരും ഭിന്നശേഷിക്കാരുടെ ബന്ധുക്കളും കൂടി വീൽചെയറോടു കൂടി പൊക്കി കളക്ടറേറ്റിലേക്ക് കയറ്റുകയാണ് ചെയ്യുന്നത്. കലക്ടറേറ്റിൽ റാമ്പ് ഇല്ലാത്തത് മൂലം ഭിന്നശേഷിക്കാർക്ക് അവരുടെ വീൽചെയർ സ്വതന്ത്രമായി കളക്ടറേറ്റിലേക്ക് ഉരുട്ടി കൊണ്ടുപോകുവാൻ സാധിക്കുകയില്ലെന്നും കളക്ട്രേറ്റിൽ ഉടൻ റാമ്പ് നിർമ്മിക്കണമെന്നും അദ്ദേഹം നിവേദനത്തിലൂടെ ആവശ്യപ്പെട്ടു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
