റാന്നി: സംസ്ഥാന സ്കൂൾ ഒളിമ്പിക്സിൻ്റെ ആദ്യ ദിനം നടന്ന ഇൻക്ലൂസീവ് സ്പോർട്സിൽ പങ്കെടുത്തു മികവു തെളിയിച്ച കുട്ടികളെ റാന്നി ബി.ആർ.സി ആദരിച്ചു. കൊടുമൺ ഇ.എം.എസ് സ്റ്റേഡിയത്തിൽ നടന്ന ജില്ലാ സെലക്ഷൻ ക്യാമ്പിൽ പങ്കെടുത്ത മുഴുവൻ കുട്ടികള്ക്കും ഉപഹാരം നൽകിയാണ് ആദരിച്ചത്. അനുമോദന യോഗം ബി.പി.സി ഷാജി എ. സലാം ഉദ്ഘാടനം ചെയ്തു. രക്ഷാകർതൃ പ്രതിനിധി അജിത അധ്യക്ഷത വഹിച്ചു.
സ്പെഷ്യൽ എഡ്യുക്കേറ്റർമാരായ രാജശ്രീ, ഹിമമോൾ സേവ്യർ, സോണിയ മോൾ ജോസഫ്, വി.ആര് വിഞ്ചു, അഞ്ജന, ക്ലസ്റ്റർ കോ-ഓർഡിനേറ്റർ എസ് ദീപ്തി, ഓട്ടിസം സെൻ്റർ പ്രതിനിധി റജീന ബീഗം എന്നിവർ സംസാരിച്ചു. സ്കൂൾ ഒളിമ്പിക്സ് ഉദ്ഘാടനം നേരിട്ട് കണ്ട് മാർച്ച് പാസ്റ്റിൽ പങ്കെടുത്ത് ഏറെ ആഹ്ലാദത്തിലായിരുന്ന കുട്ടികളും കുട്ടികളെ അനുഗമിച്ച രക്ഷിതാക്കളും ആ അനുഭവങ്ങള് പങ്ക് വെച്ചു.
