റാന്നി ഉപജില്ലാ സ്കൂൾ കലോത്സവത്തിന് എം എസ് ഹയർസെക്കൻഡറി സ്കൂളിൽ തുടക്കമായി

റാന്നി : റാന്നി ഉപജില്ലാ സ്കൂൾ കലോത്സവത്തിന് എം എസ് ഹയർസെക്കൻഡറി സ്കൂളിൽ തുടക്കമായി. ആറിന് അവസാനിക്കും. കലാമത്സരങ്ങൾ വിദ്യാർത്ഥികളുടെ പ്രതിഭകൾ തെളിയിക്കുന്നതാകണമെന്നും മറിച്ച് രക്ഷിതാക്കളുടെയും പരിശീലകരുടെയും മത്സരം ആകരുതെന്നും റാന്നി എംഎൽഎ അഡ്വ. പ്രമോദ് നാരായണ്‍ ഉദ്ഘാടന പ്രസംഗത്തില്‍ പറഞ്ഞു. സ്കൂൾ ഓഡിറ്റോറിയത്തിൽ നടന്ന ഉദ്ഘാടന സമ്മേളനത്തിൽ സ്വാഗതസംഘം ചെയർമാൻ, ഗ്രാമപഞ്ചായത്ത് പ്രസിഡണ്ട് കെ ആർ പ്രകാശ് അധ്യക്ഷത വഹിച്ചു. ബ്ലോക്ക് പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ അഡ്വ. ജേക്കബ് സ്റ്റീഫൻ, ബ്ലോക്ക് മെമ്പർ നയനാ സാബു, ഗ്രാമപഞ്ചായത്ത് മെമ്പർ സന്ധ്യാദേവി, സ്കൂൾ മാനേജർ കെ സി ജേക്കബ് കാവുങ്കൽ, ഉപജില്ലാ വിദ്യാഭ്യാസ ഓഫീസർ പ്രീതി ജോസഫ്, പ്രിൻസിപ്പൽ റ്റീന എബ്രഹാം, ഹെഡ്മാസ്റ്റർ ബിനോയി കെ എബ്രഹാം, ബി പി സി ഷാജി എ സലാം, എച്ച് എം ഫോറം കൺവീനർ ഷാജി തോമസ്, പിടിഎ പ്രസിഡണ്ട് രജനി പ്രദീപ്, സ്കൂൾ മാനേജിംഗ് കമ്മിറ്റി സെക്രട്ടറി ബാബു കുന്നിരിക്കൽ, പി ടി എ വൈസ് പ്രസിഡണ്ട് ജോജോ കോവൂർ, എസ് പി ജി അംഗം രവി കുന്നയ്ക്കാട്ട്, റിസപ്ഷൻ കൺവീനർ സ്മിജു ജേക്കബ്, ബിനോയി ആഞ്ഞിലിമൂട്ടിൽ, മോൻസി പുളിമൂട്ടിൽ, സന്തോഷ് ബാബു എന്നിവർ പ്രസംഗിച്ചു. എം എസ് സ്കൂൾ, എൽ പി ജി എസ് സ്കൂൾ, റാന്നി സഹകരണ ബാങ്ക് ഓഡിറ്റോറിയം എന്നിവിടങ്ങളിലായി ഒരുക്കിയിരിക്കുന്ന 7 വേദികളിലായാണ് മത്സരങ്ങൾ നടക്കുന്നത്. നവംബർ 6 ബുധനാഴ്ച വൈകിട്ട് 4 മണിക്ക് സമാപന സമ്മേളനം നടക്കും. 72 സ്കൂളുകളിൽ നിന്നായി 3200ൽ അധികം കലാപ്രതിഭകൾ മേളയിൽ മാറ്റുരയ്ക്കും.

സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍  ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച്  പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1