റാന്നി: റാന്നി ഉപജില്ലാ ശാസ്ത്ര, ഗണിതശാസ്ത്ര, സാമൂഹ്യശാസ്ത്ര പ്രവർത്തിപരിചയ, ഐ ടി മേള നവംബർ 24, 25 തീയതികളിൽ റാന്നി എം എസ് ഹയർ സെക്കൻഡറി സ്കൂളിൽ വെച്ച് നടക്കും. മേളയുടെ നടത്തിപ്പിനായി സംഘാടകസമിതി രൂപീകരിച്ചു. സംഘാടകസമിതി രൂപീകരണയോഗം റാന്നി ഗ്രാമപഞ്ചായത്ത് പ്രസിഡണ്ട് കെ ആർ പ്രകാശ് ഉദ്ഘാടനം ചെയ്തു. ഉപജില്ലാ സീനിയർ സൂപ്രണ്ട് മോളി അലക്സ് അധ്യക്ഷത വഹിച്ചു.
സ്കൂൾ മാനേജർ കെ.സി ജേക്കബ്, ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ അഡ്വ. ജേക്കബ് സ്റ്റീഫൻ, ബി പി സി ഷാജി എ സലാം, പ്രിൻസിപ്പൽ സ്മിജു ജേക്കബ്, എച്ച് എം ഫോറം കൺവീനർ സുരേഷ് കെ വർക്കി, രവി കുന്നക്കാട്ട്, ജി. അനിൽകുമാർ, സന്തോഷ് ബാബു, ലിബികുമാർ, സിംല മോൾ എബ്രഹാം എന്നിവർ പ്രസംഗിച്ചു. രണ്ട് ദിവസങ്ങളിലായി നടക്കുന്ന മേളയുടെ നടത്തിപ്പിനായി 101 സ്വാഗതസംഘം രൂപീകരിച്ചു. ഭാരവാഹികൾ : കെ ആർ പ്രകാശ് ( ചെയർമാൻ), സ്മിജു ജേക്കബ് (ജനറൽ കൺവീനർ), ബിനോയ് കെ എബ്രഹാം (ജോ. ജനറൽ കൺവീനർ), മെറിൻ സക്കറിയ (ട്രഷറാർ).
