റാന്നി: വടശ്ശേരിക്കര ഗ്രാമ പഞ്ചായത്തിലെ ഒന്നാം വാർഡ് പരുത്തിക്കാവ് ലക്ഷം വീട് കോളനി റോഡിൽ ജലസേചന വകുപ്പിൻ്റെ പൈപ്പ് പല സ്ഥലങ്ങളിൽ പൊട്ടി ജലം പാഴായി പോകുന്നതിൽ പ്രതിഷേധവുമായി പ്രദേശവാസികൾ രംഗത്ത്.
കഴിഞ്ഞ ഒരു വർഷമായി ഇതു തന്നെയാണ് ഈ സ്ഥലത്തെ അവസ്ഥ. വേനൽ കാലമാകുമ്പോൾ ഈ പ്രദേശത്ത് വെള്ളം ലഭിക്കാൻ വളരെയധികം ബുദ്ധിമുട്ടാണ്. ചരിവുകാലായിൽ പടി, പുന്നമൂട്ടിൽ പടി, കേശവമംഗലo പടി, പടിഞ്ഞാറെ പുളിനിക്കുo പറമ്പിൽ പടി, ചെറുകുളഞ്ഞി പോസ്റ്റ് ഓഫീസ് പടി എന്നീ ഭാഗത്താണ് വെള്ളം പാഴായി പോകുന്നത്.
നിരവധി തവണ റാന്നി വാട്ടർ അതോറിട്ടറി ഓഫീസുമായും മറ്റു അധികൃതരുടെ മുൻപിലും പരാതിപ്പെട്ടെങ്കിലും നാളിതു വരെയായി യാതൊരു ബന്ധപ്പെട്ടതാണ്. 20വർഷം മുമ്പ് റാന്നിയുടെ MLA ശ്രീ രാജു എബ്രഹാം ഈ പ്രദേശത്തിന് അനുവദിച്ച പൈപ്പ് ലൈൻ ആണിത്. നാളിതുവരെ വാട്ടർ അതോറിട്ടറി യാതൊരു വിധ പുനരുദ്ധാരണ പരിപാടികളും നടത്തിയിട്ടില്ല. അടിയന്തരമായി പത്തനംതിട്ട ജില്ലാ കളക്ടർ ഈ വിഷയത്തിൽ ഇടപെടണമെന്നാണ് പ്രദേശവാസികളുടെ ആവശ്യം.