കൊട്ടാരക്കര : അനുജന്റെ ഭാര്യയെ ലൈംഗികമായി പീഡിപ്പിക്കാന്‍ ശ്രമിച്ച കേസില്‍ ജേഷ്ഠനെ കൊട്ടാരക്കര പോലീസ് അറസ്റ്റു ചെയ്തു. പെരുംകുളം മകയിരത്തില്‍ സന്തോഷ് (52) ആണ് അറസ്റ്റിലായത്. ഭര്‍ത്താവുമായി പിണങ്ങി കഴിയുകയായിരുന്ന യുവതിയെയാണ് ഇയാള്‍ പീഡിപ്പിക്കാന്‍ ശ്രമിച്ചത്. കഴിഞ്ഞ 30 നാണ് പീഡനശ്രമമുണ്ടായത്. യുവതി നല്‍കിയ പരാതിയിന്‍മേലാണ് പ്രതിയെ പിടികൂടിയത്. കൊട്ടാരക്കര എസ്ഐ സുനില്‍, എസ്ഐ വിശ്വനാഥന്‍, സിപിഒ ഷിബു കൃഷ്ണന്‍ എന്നിവരടങ്ങുന്ന സംഘം പ്രതിയെ അറസ്റ്റ് ചെയ്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
