പത്തനംതിട്ട : പത്തനംതിട്ട പ്രമാടം ഇൻഡോർ സ്റ്റേഡിയത്തിൽ ഹെലിപ്പാഡ് നിർമ്മിച്ചതിനു 20.7 ലക്ഷം രൂപ ചിലവായതിനെ സംബന്ധിച്ച് അന്വേഷണം നടത്താൻ പൊതുമരാമത്ത് വകുപ്പ് മന്ത്രി പിഡബ്ല്യുഡി ചീഫ് എൻജിനീയർക്ക് നിർദ്ദേശം നൽകി. വിവരാവകാശ പ്രവർത്തകൻ റഷീദ് ആനപ്പാറ നല്കിയ പരാതിയെ തുടർന്നാണ് ഈ നടപടി. ഹെലിപ്പാഡ് നിർമ്മാണത്തിന് ഇത്രയും ഭീമമായ തുക ചെലവായിട്ടില്ലെന്നും സർക്കാരിനെ തെറ്റിദ്ധരിപ്പിച്ച് തുക തട്ടിയെടുക്കാനുള്ള ചില സർക്കാർ ഉദ്യോഗസ്ഥരുടെ ശ്രമമാണ് ഇതിന് പിന്നിലെന്നും റഷീദ് ആനപ്പാറ ആരോപിച്ചു. മുഖ്യമന്ത്രിക്കും റവന്യൂ മന്ത്രിക്കും നൽകിയ പരാതിയില് അന്വേഷണം നടത്താൻ ജില്ലാ കളക്ടർക്ക് നിർദ്ദേശം ലഭിച്ചതിനു തൊട്ടുപിന്നാലെ ഹെലിപ്പാട് പൊളിച്ചുമാറ്റി തെളിവുകള് നശിപ്പിച്ചു. ഇതിനെപ്പറ്റി സമഗ്രമായ അന്വേഷണം നടത്തണമെന്നും ഉദ്യോഗസ്ഥരുടെ അഴിമതി പുറത്തുകൊണ്ടുവരുമെന്നും റഷീദ് ആനപ്പാറ പറഞ്ഞു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
