തിരുവനന്തപുരം: കൊറോണ രോഗ പ്രതിരോധത്തിന്റെ ഭാഗമാായി കേരളത്തിലെ റേഷന് കടകളുടെ പ്രവര്ത്തന സമയത്തില് വീണ്ടും മാറ്റം വരുത്തി. രാവിലെ ഒമ്പതു മുതല് ഉച്ചയ്ക്ക് ഒന്നു വരെയും, ഉച്ചയ്ക്ക് രണ്ടു മുതല് വൈകിട്ട് അഞ്ചു വരെയുമാണു റേഷന് കടകള് പ്രവര്ത്തിക്കുക. ഉച്ചയ്ക്ക് ഒരു മണിക്കൂര് കടകള് അടച്ചിടും.
അവശ്യസാധനങ്ങള് വാങ്ങാനുള്ള കടകള് ഒരു സാഹചര്യത്തിലും അടയ്ക്കില്ലെന്നു നേരത്തേ സംസ്ഥാന സര്ക്കാര് വ്യക്തമാക്കിയിരുന്നതാണ്. എന്നാല് മാറിയ സാഹചര്യത്തില് നിയന്ത്രണങ്ങള് ഏര്പ്പെടുത്താന് സര്ക്കാര് തീരുമാനിക്കുകയായിരുന്നു.