തിരുവനന്തപുരം : തമിഴ്നാട്ടിൽ നിന്ന് കേരളത്തിലേക്ക് മിനി ലോറിയിൽ കടത്താൻ ശ്രമിച്ച 4 ടൺ റേഷനരി പിടികൂടി. വാഹന പരിശോധന നടത്തിയിരുന്ന നൈറ്റ് പട്രോളിംഗ് പോലീസ് സംഘമാണ് വാഹനം പിടികൂടിയത്. തമിഴ്നാട്ടിലെ റേഷൻ കടകളിൽ നിന്ന് സംഭരിക്കുന്ന അരി കളിയിക്കാവിളയിലെ സ്വകാര്യ ഗോഡൗണിലെത്തിക്കാൻ കൊണ്ടുവരവെയാണ് പോലീസ് പിടികൂടിയത്. തിരുവനന്തപുരം ജില്ലയിലെ വിവിധ ഹോട്ടലുകളിലാണ് ഈ അരി വിതരണം ചെയ്യുക. പിടിച്ചെടുത്ത അരി തിരികെ തമിഴ്നാട് സിവിൽ സപ്ലൈസ് വിഭാഗത്തിനു കൈമാറും. ലോറി ഡ്രൈവർ കസ്റ്റഡിയിലാണ്.
