പത്തനംതിട്ട : വായനാപക്ഷാചരണത്തോടനുബന്ധിച്ച് ജില്ലാ ഇന്ഫര്മേഷന് ഓഫീസിന്റെ നേതൃത്വത്തില് സംഘടിപ്പിച്ച ആസ്വാദനക്കുറിപ്പ് മത്സര വിജയികള്ക്കുള്ള സമ്മാനദാനവും സര്ട്ടിഫിക്കറ്റ് വിതരണവും ജൂലൈ 17 (വ്യാഴം) ഉച്ചയ്ക്ക് 12 ന് കളക്ടറേറ്റ് ചേമ്പറില് ജില്ലാ കളക്ടര് എസ് പ്രേം കൃഷ്ണന് നിര്വഹിക്കും. യു.പി വിഭാഗത്തില് പൂഴിക്കാട് ജിയുപിഎസിലെ ആറാം ക്ലാസ് വിദ്യാര്ഥിനി ആര്. ഋതുനന്ദ, ആറന്മുള ജിവിഎച്ച്എസ്എസിലെ ഏഴാം ക്ലാസ് വിദ്യാര്ഥിനി ആര്ദ്രലക്ഷ്മി, തെങ്ങമം യുപിഎസിലെ ആറാം ക്ലാസ് വിദ്യാര്ഥിനി ശ്രദ്ധ സന്തോഷ് എന്നിവര്ക്കാണ് ഒന്ന്, രണ്ട്, മൂന്ന് സ്ഥാനങ്ങള്.
ഹൈസ്കൂള് വിഭാഗത്തില് പത്തനംതിട്ട ഭവന്സ് വിദ്യാമന്ദിര് ഒമ്പതാം ക്ലാസ് വിദ്യാര്ഥിനി ആല്യ ദീപു, കൈപ്പട്ടൂര് സെന്റ് ജോര്ജ് മൗണ്ട് എച്ച്എസ്എസിലെ പത്താം ക്ലാസ് വിദ്യാര്ഥിനി ദേവനന്ദ, മല്ലപ്പള്ളി ടെക്നിക്കല് ഹയര് സെക്കന്ഡറി സ്കൂളിലെ പത്താം ക്ലാസ് വിദ്യാര്ഥിനി അഭിരാമി അഭിലാഷ് എന്നിവര്ക്കാണ് ആദ്യ മൂന്ന് സ്ഥാനങ്ങള്. ജില്ലയിലെ യു.പി, ഹൈസ്കൂള് കുട്ടികള്ക്കായാണ് ആസ്വാദനക്കുറിപ്പ് മത്സരം സംഘടിപ്പിച്ചത്.
