പത്തനംതിട്ട : കേന്ദ്രകാലാവസ്ഥാ നിരീക്ഷണ വകുപ്പും സംസ്ഥാന ദുരന്ത നിവാരണ അതോറിറ്റിയും
ജില്ലയിൽ 22 മുതല് 26 വരെയുള്ള ദിവസങ്ങളില് ശക്തമായ മഴക്കുള്ള സാധ്യതാ മുന്നറിയിപ്പ് നൽകിയിട്ടുള്ള സാഹചര്യത്തിലും കക്കാട് ജലവൈദ്യുത പദ്ധിയുടെ ഭാഗമായ ഡാമുകളിൽ ഒന്നായ മൂഴിയാർ ഡാമിന്റെ വൃഷ്ടി പ്രദേശത്ത് ശക്തമായ മഴ പെയ്യുന്നതിനാലും ഡാമിലെ ജലനിരപ്പ് ഉയർന്നുകൊണ്ടിരിക്കുയാണ്. ഡാമിലെ ജലനിരപ്പ് ഓഗസ്റ്റ് 23 ന് റെഡ് അലര്ട്ട് ലെവലില് എത്തിയിട്ടുള്ളതും ഇത് 192.63 മീറ്ററായി ഉയർന്നാൽ ഏതുസമയത്തും മൂഴിയാർ ഡാമിന്റെ ഷട്ടറുകൾ ഉയർത്തേണ്ടതായി വരുന്നതും ജലം കക്കാട്ട് ആറിലേക്ക് ഒഴുക്കി വിടുന്നതുമാണ്.
ഇപ്രകാരം തുറന്നുവിടുന്ന ജലം മൂലം ആങ്ങമൂഴി, സീതത്താട് തുടങ്ങിയ സ്ഥലങ്ങളിൽ
നദിയിൽ ജലനിരപ്പ് ഉയരുവാന് സാധ്യതയുണ്ട്. കക്കാട്ടാറിന്റെയും പ്രത്യേകിച്ച് മൂഴിയാർ ഡാം
മുതൽ കക്കാട് പവര് ഹൗസ് വരെയുള്ള ഇരുകരകളില് താമസിക്കുന്നവരും സഞ്ചരിക്കുന്നവരും
പൊതുജനങ്ങളും ജാഗ്രത പുലര്ത്തേണ്ടതും നദികളിൽ ഇറങ്ങുന്ന് ഏതു സാഹചര്യത്തിലും
ഒഴിവാക്കേണ്ടതുമാണെന്ന് പത്തനംതിട്ട ജില്ലാ കളക്ടര് ഡോ. ദിവ്യ എസ് അയ്യർ അറിയിച്ചു.
