മുംബൈ : രാജ്യത്ത് 5ജി സേവനങ്ങള്‍ക്ക് തുടക്കമിടാന്‍ റിലയന്‍സ്. ഡല്‍ഹി, മുംബൈ, ചെന്നൈ, കൊല്‍ക്കത്ത തുടങ്ങിയ തിരഞ്ഞെടുത്ത നഗരങ്ങളില്‍ മാത്രമേ തുടക്കത്തില്‍ 5 ജി എത്തുകയുള്ളൂ. മറ്റ് നഗരങ്ങളില്‍ 2023 ഡിസംബറോടെ 5 ജി ലഭ്യമാക്കുമെന്ന് അംബാനി. ലോകത്തിലെ തന്നെ ഏറ്റവും വലുതും നവീനവുമായ 5ജി നെറ്റ് വര്‍ക്കായിരിക്കും ജിയോയുടേത്.
5ജിയുടെ ഏറ്റവും പുതിയ സ്റ്റാന്‍റ്-എലോണ്‍ പതിപ്പായിരിക്കും ജിയോ വിന്യസിക്കുക. നിലവിലെ 4ജി നെറ്റ് വര്‍ക്കിനെ ഇത് ഒട്ടും ആശ്രയിക്കില്ല. എയര്‍ടെല്‍ 5ജിയും ഒക്ടോബറില്‍ തന്നെ എത്തിയേക്കും. ഒരുമാസത്തിനുള്ളില്‍ തങ്ങള്‍ 5ജി സേവനം ആരംഭിക്കുമെന്ന് എയര്‍ടെല്‍ പ്രഖ്യാപിച്ചിരുന്നു. ഈ വര്‍ഷം അവസാനത്തോടെ രാജ്യത്തെ എല്ലാ മെട്രോ നഗരങ്ങളിലും 2023 അവസാനത്തോടെ രാജ്യ വ്യാപകമായും 5ജി എത്തിക്കുന്നതിനാണ് എയര്‍ടെലും ലക്ഷ്യമിടുന്നത്. ഗൂഗിളുമായി ചേര്‍ന്ന് വിലക്കുറവില്‍ 5ജി സ്മാര്‍ട്‌ഫോണുകള്‍ രംഗത്തിറക്കാന്‍ ജിയോയ്ക്ക് പദ്ധതിയുണ്ട്.
