ഡൽഹി : രാജ്യത്ത് പെട്രോള് ഡീസല് വില കുറച്ചു . ഇന്ന് രാവിലെ 6 മണി മുതൽ പ്രാബല്യത്തിൽ വരും. പെട്രോളിനും ഡീസലിനും ലിറ്ററിന് രണ്ടു രൂപ വീതമാണ് കുറച്ചിരിക്കുന്നത് . തെരഞ്ഞെടുപ്പ് കമ്മീഷൻ ലോക്സഭ തെരഞ്ഞെടുപ്പ് പ്രഖ്യാപിക്കാനിരിക്കെയാണ് കേന്ദ്ര സര്ക്കാര് പെട്രോളിന്റെയും ഡീസലിന്റെയും വില കുറച്ചതെന്നത് ശ്രദ്ദേയമാണ്. രാജ്യത്തെ ജനങ്ങളുടെ ക്ഷേമം മാത്രമാണ് പ്രധാനമന്ത്രി ലക്ഷ്യം വെക്കുന്നതെന്ന് ഇന്ധന വില കുറച്ചതിലൂടെ വ്യക്തമായതെന്നാണ് പെട്രോളിയം മന്ത്രി ഹർദീപ് സിങ് പുരി കുറിച്ചു. പക്ഷെ, രാജ്യത്തെ വിലക്കയറ്റം തെരഞ്ഞെടുപ്പ് പ്രചാരണമായി ഏറ്റെടുക്കാനിരിക്കെ ഇന്ധന വിലകുറച്ചുള്ള കേന്ദ്ര തീരുമാനം പ്രതിപക്ഷത്തെയും ഞെട്ടിച്ചിട്ടുണ്ട്.
ഇന്ധന കമ്പനികളാണ് പെട്രോള്, ഡീസല് വില കുറച്ചത്. കേന്ദ്ര സര്ക്കാര് നികുതിയില് കുറവ് വരുത്തിയതല്ല. കേന്ദ്ര സര്ക്കാരാണ് ഇന്ധന വില കുറച്ചുള്ള പ്രഖ്യാപനം നടത്തിയത്.ഇതിന് പിന്നാലെ രാജസ്ഥാൻ സര്ക്കാരും ഇന്ധനത്തിന്റെ മൂല്യവര്ധിത നികുതിയില് രണ്ട് ശതമാനം കുറവ് വരുത്താൻ തീരുമാനിച്ചു. ബിജെപി ഭരിക്കുന്ന മറ്റു സംസ്ഥാനങ്ങളും ഇന്ധന നികുതിയില് കുറവ് വരുത്താനും സാധ്യത ഉണ്ട്. നേരത്തെ നികുതിയില് ഇളവ് വരുത്തി പെട്രോളിനും ഡീസലിനും കേന്ദ്ര സര്ക്കാര് വില കുറച്ചിരുന്നു. അതിന് അനുസരിച്ച് സംസ്ഥാനങ്ങളും നികുതിയില് ഇളവ് നല്കി വില കുറക്കണമെന്ന് കേന്ദ്ര സര്ക്കാര് നിര്ദേശം നല്കിയിരുന്നു
