തിരുവല്ല: കേരളത്തിലെ വിദ്യാഭ്യാസ മേഖലയിലെ അദ്ധ്യാപക നിയമനത്തിലൂടെ പട്ടികജാതി വര്ഗ്ഗ മറ്റ് പിന്നോക്ക സമുദായങ്ങള്ക്ക് കിട്ടേണ്ട സംവരണ അവകാശങ്ങള് സര്ക്കാരും സി.പി.എമ്മും അട്ടിമറിച്ചതായി ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ഭാരതീയ ദളിത് കോണ്ഗ്രസ് ജില്ലാ കമ്മറ്റിയുടെ നേതൃത്വത്തില് വിദ്യാഭ്യാസ ഡെപ്യൂട്ടി ഓഫീസിനു മുന്നില് നടത്തിയ ധര്ണ്ണ ഉദ്ഘാടനം ചെയ്യുകയായിരുന്നു അദ്ദേഹം. പി.എസ്.സി യേയും എംപ്ലോയ്മെന്റിനെയും നോക്കുകുത്തികളാക്കി പാര്ട്ടി നേതാക്കളുടെ ശുപാര്ശയോടെ അധ്യാപകരെ പിന്വാതിലിലൂടെ നിയമിക്കുന്നത് കേരളത്തിലെ വിദ്യാഭ്യാസ മേഖലയുടെ നിലവാരമാണ് ഇല്ലാതാക്കുന്നതെന്ന് അദ്ദേഹം പറഞ്ഞു.
ദളിത് കോണ്ഗ്രസ് ജില്ലാ പ്രസിഡന്റ് എ.കെ ലാലു അധ്യക്ഷത വഹിച്ചു. ഡി.സി.സി ജനറല് സെക്രട്ടറി അഡ്വ. സതീഷ് ചാത്തങ്കേരി, ബ്ലോക്ക് കോണ്ഗ്രസ് കമ്മിറ്റി പ്രസിഡന്റുമാരായ ഈപ്പന് കുര്യന്, എബി മേക്കരിങ്ങാട്ട്, ദളിദ് കോണ്ഗ്രസ് സംസ്ഥാന ഭാരവാഹികളായ പി.ജി ദിലീപ് കുമാര്, മഞ്ജു വിശ്വനാഥ്, മണ്ണില് രാഘവന്, ദളിദ് കോണ്ഗ്രസ് ജില്ലാ ഭാരവാഹികളായ സുഗതന് കോറ്റനാട്, കെ.എന് രാജന്, എം.ജി ശ്രീകുമാര്, അനീഷ് കുമാര്, സൂരജ് മന്മധന്, ദീപു രാജ്, ജയന് ബാലകൃഷ്ണന്, സുരേഷ് പാണില്, രാജന് തേവാര്കാട്ടില്, രാജേന്ദ്ര പ്രസാദ്, മണ്ഡലം കോണ്ഗ്രസ് കമ്മിറ്റി പ്രസിഡന്റുമാരായ റെജി മണലില്, സജി. കെ. മാത്യു എന്നിവര് പ്രസംഗിച്ചു.
