ടോകിയോ: ഇന്നത്തെ കാലത്ത്, സ്മാര്ട്ട്ഫോണുകളോടുള്ള ആസക്തി മൂലം മനുഷ്യന്റെ എല്ലാ പതിവ് പ്രവര്ത്തനങ്ങളുടെയും സ്വാഭാവികമായ ഒഴുക്ക് തടസ്സപ്പെടുകയാണ്. സിനിമയ്ക്ക് പോകുമ്പോഴും നടക്കുമ്പോഴും ഭക്ഷണം കഴിക്കുമ്പോഴും എല്ലാം ഫോണില്ലാതെ ജീവിക്കാനാവില്ല എന്ന അവസ്ഥയിലേക്ക് കാലം മാറിക്കഴിഞ്ഞിരിക്കുന്നു. ഇതേ തുടര്ന്ന് ഭക്ഷണം കഴിക്കുമ്പോള് ഫോണ് വിലക്കിയിരിക്കുകയാണ് ഒരു റെസ്റ്റോറന്റ്. ജാപ്പനിലെ റാമെന് റെസ്റ്റോറന്റായ ഡെബു-ചാന് ആണ് ഭക്ഷണം കഴിക്കുമ്പോള് ഉപഭോക്താക്കളെ ഫോണ് ഉപയോഗിക്കുന്നത് വിലക്കിയിരിക്കുന്നത്.
ഹോട്ടലില് തിരക്കുള്ള സമയങ്ങളില് ഭക്ഷണം കഴിക്കുമ്പോള് ഉപഭോക്താക്കള് അവരുടെ സ്മാര്ട്ട്ഫോണുകള് ഉപയോഗിക്കുന്നത് നിരോധിക്കാനാണ് തീരുമാനം. ഫോണ് മാറ്റിവെച്ചാല് ആളുകള് പെട്ടന്ന് ഭക്ഷണം കഴിച്ച് എഴുന്നേറ്റ് പോകും. അപ്പോള് അവിടെ കാത്തിരിക്കുന്ന മറ്റുള്ളവര്ക്കും വേഗത്തില് ഭക്ഷണം കഴിക്കാമെന്നാണ് റെസ്റ്റോറന്റ് ഉടമകള് പറയുന്നത്.
