പത്തനംതിട്ട : കാര്ഷിക വികസനത്തിന്റെ ഭാഗമായി ജില്ലാ പഞ്ചായത്ത് കൊടുമണ്ണില് ഒരു കോടി രൂപ ചിലവില് റൈസ് മില് സ്ഥാപിക്കുമെന്ന് ജില്ലാ പഞ്ചായത്ത് പ്രസിഡന്റ് അഡ്വ.ഓമല്ലൂര് ശങ്കരന് പറഞ്ഞു. നെല്കൃഷിക്കായി 1.25 കോടി രൂപ ജില്ലാ പഞ്ചായത്ത് നീക്കിവച്ചിട്ടുണ്ട്. അവയില് ഒരു വിഹിതം വള്ളിക്കോട് പഞ്ചായത്തിനും ലഭ്യമാക്കുമെന്നും ജില്ലാ പഞ്ചായത്ത് പ്രസിഡന്റ് പറഞ്ഞു. തരിശുരഹിത വളളിക്കോട് പദ്ധതിയുടെ ഉദ്ഘാടന ചടങ്ങില് കരിമ്പ് കൃഷി പദ്ധതിയുടെ ഉദ്ഘാടനം നിര്വഹിച്ച് സംസാരിക്കുകയായിരുന്നു ജില്ലാ പഞ്ചായത്ത് പ്രസിഡന്റ്.
