പാറ്റ്ന: ആര്ജെഡി നേതാവ് ചന്ദ്രികാ റായി പാര്ട്ടിയില് നിന്നു രാജിവെച്ചു. നിയമസഭാ തെരഞ്ഞെടുപ്പു നടക്കാനിരിക്കെയാണു പാര്സ എംഎല്എയായ ചന്ദ്രിക പാര്ട്ടിയില് നിന്ന് രാജി വെച്ചത്. ജനതാദളില്(യു) ചേരുമെന്നാണ് പുറത്തുവരുന്ന റിപ്പോര്ട്ടുകള്. ആര്ജെഡി അധ്യക്ഷന് ലാലു പ്രസാദ് യാദവിന്റെ മൂത്ത മകന് തേജ് പ്രതാപ് യാദവിന്റെ ഭാര്യാപിതാവാണ് ചന്ദ്രികാ റായി. വിവാഹ മോചന കേസ് തുടരവേ ഐശ്വര്യ റായിയെ ലാലുവിന്റെ പത്നി റാബ്റി ദേവി വസതിയില് നിന്ന് പുറത്താക്കിയത് വാര്ത്തയായിരുന്നു.
