റാന്നി : റീബിൽഡ് കേരളയിൽ ഉൾപ്പെടുത്തിയിരുന്ന റാന്നി നിയോജക മണ്ഡലത്തിലെ 3 റോഡുകളെ നിർമ്മാണ ഉദ്ഘാടനങ്ങൾ 29 ന് നടക്കുമെന്ന് അഡ്വ പ്രമോദ് നാരായണൻ എംഎൽഎ അറിയിച്ചു . ഗവ ചീഫ് വിപ്പ് ഡോ എൻ ജയരാജ് ആണ് റോഡുകളുടെ ഉദ്ഘാടനങ്ങൾ ചെയ്യുക.2018 ലെ മഹാപ്രളയത്തെ തുടർന്നാണ് റീബിൽഡ് കേരളയിൽ ഉൾപ്പെടുത്തി റാന്നി നിയോജക മണ്ഡലത്തിലെ 20 ഗ്രാമീണ റോഡുകൾ പുനരുദ്ധരിക്കാൻ മുഖ്യമന്ത്രി പിണറായി വിജയൻ അനുമതി നൽകിയത്. എന്നാൽ റീബിൽഡ് നടപടികൾ വൈകിയതിനാൽ നിർമ്മാണം നീണ്ടുപോവുകയായിരുന്നു. ഇതോടൊപ്പമുള്ള മറ്റു റോഡുകൾ ഉടൻ തന്നെ നടപടികൾ പൂർത്തീകരിച്ച് നിർമ്മാണം ആരംഭിക്കാനാകുമെന്നും എംഎൽഎ അറിയിച്ചു.
വലിയപറമ്പിൽപടി – ഈട്ടിച്ചുവട് റോഡ് 1.70 കോടി , ചണ്ണ – കുരുമ്പൻമൂഴി റോഡ് 1.76 കോടി, അത്തിക്കയം – കടുമീൻചിറ റോഡ് 3.5 കോടി എന്നിവയുടെ നിർമ്മാണ ഉദ്ഘാടനമാണ് നടക്കുക. 29 ന് പകൽ 2.30 ന് ചണ്ണ – കുരുമ്പൻമൂഴി – മണക്കയം റോഡ്, 3.30ന് അത്തിക്കയം -കടുമീൻചിറ റോഡ്, 4. 30ന് വലിയപറമ്പിൽ പടി – ഈട്ടിച്ചുവട് റോഡുമാണ് ഉദ്ഘാടനം ചെയ്യുന്നത്.
