ചെങ്ങന്നൂര് : നഗരസഭയിലെ നഗര വഴിയോര കാര്ഷിക വിപണിയുടെ ആദ്യ വിപണന കേന്ദ്രം മിനി സിവില് സ്റ്റേഷനില് പ്രവര്ത്തനം ആരംഭിച്ചു. സംസ്ഥാന സര്ക്കാരിന്റെ നൂറുദിന കര്മ്മ പരിപാടിയുടെ ഭാഗമായി എല്ലാ നഗരസഭകളിലും കോര്പ്പറേഷനുകളിലും നഗര വഴിയോര കാര്ഷിക വിപണികള് ആരംഭിക്കുന്നതിന്റെ ഭാഗമായാണ് വിപണി ആരംഭിച്ചത്. നഗരസഭാ ചെയര്പേഴ്സണ് മറിയാമ്മ ജോണ് ഫിലിപ്പ് ഉദ്ഘാടനം ചെയ്തു.
വാര്ഡ് കൗണ്സിലര് വി.വിജി അദ്ധ്യക്ഷത വഹിച്ചു. മുന് ചെയര്മാന് കെ.ഷിബുരാജന്, കൃഷി അസി.ഡയറക്ടര് എസ്.ഗീത, കൃഷി ഓഫീസര് കെ.ജി റോയി, കൃഷി അസിസ്റ്റന്റ് റ്റി.എസ് രാജലക്ഷ്മി എന്നിവര് പ്രസംഗിച്ചു ജൈവ കൃഷിയിലൂടെ കര്ഷകര് ഉത്പാദിപ്പിച്ച വിഷരഹിത പച്ചക്കറികള് കുറഞ്ഞ വിലയ്ക്ക് വഴിയോര കാര്ഷിക പണിയില് നിന്ന് ലഭിക്കും. പച്ചക്കറികളുടെ ലഭ്യതയനുസരിച്ച് എല്ലാ പ്രവര്ത്തി ദിവസങ്ങളിലും സിവില് സ്റ്റേഷന് പരിസരത്ത് വിപണി പ്രവര്ത്തിക്കും.