തിരുവനന്തപുരം : ഇന്സ്റ്റാള്മെന്റ് കച്ചവടക്കാരനെ കത്തി കാണിച്ച് ഭീഷണിപ്പെടുത്തി സ്വര്ണവും പണവും തട്ടിയ കേസുമായി ബന്ധപ്പെട്ട് ഒളിവിലായിരുന്ന പ്രതിയെ പൊലീസ് പിടികൂടി. ശംഖുംമുഖം രാജീവ് നഗര് പുതുവല്പുത്തന്വീട്ടില് സേവ്യര് ആന്റണിയാണ് ( 42 ) വലിയതുറ പോലീസിന്റെ പിടിയിലായത്.
2003ല് നടന്ന സംഭവത്തിനുശേഷം പ്രതി ഒളിവിലായിരുന്നു. പഴയ കേസുകളിലെ പ്രതികളെ പിടികൂടാനുള്ള ശംഖുംമുഖം അസിസ്റ്റന്റ് കമ്മിഷണര് ഡി.കെ. പൃഥ്വിരാജിന്റെ നിര്ദ്ദേശാനുസരണം നടന്ന സ്പെഷ്യല് ഡ്രൈവിലാണ് വലിയതുറ എസ്.എച്ച്.ഒ ഗിരിലാലിന്റെ നേതൃത്വത്തില് ഇയാളെ പിടികൂടിയത്. പ്രതിയെ റിമാന്ഡ് ചെയ്തു.
