തിരുവനന്തപുരം: പ്രക്ഷോഭത്തിന്റെ കാര്യങ്ങളില് യുഡിഎഫിന് വീഴ്ചകള് സംഭവിക്കുന്നുണ്ടെന്ന് ആര്എസ്പി സംസ്ഥാന സെക്രട്ടറി ഷിബു ബേബി ജോണ്. യുഡിഎഫ് സംവിധാനത്തിനെതിരെ അതൃപ്തിയുമായി രംഗത്തെത്തിയിരിക്കുകയാണ് ആര്എസ്പി ആരോപിക്കുകയാണ്. ഇത്രയേറെ പ്രശ്നങ്ങള് ഉണ്ടായിട്ടും യുഡിഎഫ് യോഗം കൂടിയിട്ടില്ലെന്നും മുന്കാലങ്ങളിലെ രീതി ഇതായിരുന്നില്ലെന്നും ഷിബു ബേബി ജോണ് വിമര്ശിച്ചു.
മറ്റന്നാള് യുഡിഎഫ് യോഗത്തില് ഇക്കാര്യങ്ങള് അറിയിക്കുമെന്നും ആര്എസ്പി നേതൃത്വം അറിയിച്ചു. യുഡിഎഫ് കുറേക്കൂടെ കാര്യക്ഷമമാകണമെന്നും സമരങ്ങള് ശക്തിപ്പെടണമെന്നും ഷിബു ബേബി പറഞ്ഞു. പുതിയ നികുതി വര്ധനവില് എന്ത് സമരം എന്ന് ഇതുവരെ തീരുമാനിച്ചിട്ടില്ല. ഇവന്മാര് എന്താണ് പുറത്തിറങ്ങി സമരം നടത്താത്തത് എന്നാണ് നാട്ടുകാര് ചോദിക്കുന്നതെന്നും ഷിബു ബേബി ജോണ് പറഞ്ഞു.
