തിരുവനന്തപുരം : തിങ്കളാഴ്ച നടക്കുന്ന യുഡിഎഫ് യോഗത്തിൽ പങ്കെടുക്കാൻ ആർ.എസ്.പിയിൽ ധാരണ. യു.ഡി.എഫ് – ആർ.എസ്.പി ഉഭയകക്ഷി ചർച്ചയ്ക്കായി തിങ്കളാഴ്ച രാവിലെ ആർ.എസ്.പിയെ ക്ഷണിച്ചിട്ടുണ്ട്. ഈ യോഗത്തിലും ആർ.എസ്.പി നേതാക്കൾ പങ്കെടുക്കും. ഇത് സംബന്ധിച്ച കൂടുതൽ തീരുമാനങ്ങൾ ഇന്ന് നടക്കുന്ന ആർ.എസ്.പി സംസ്ഥാന സമിതിയിൽ ഉണ്ടാവും.
യു.ഡി.എഫു മായുള്ള അഭിപ്രായ ഭിന്നതകളുടെ പശ്ചാത്തലത്തിൽ ആർ.എസ്.പി യു.ഡി.എഫ് വിടണമെന്ന് പലകോണുകളിൽ നിന്ന് ആവശ്യം ഉയർന്നിരുന്നു. എന്നാൽ നിലവിൽ മുന്നണി വിടേണ്ട സാഹചര്യമില്ലെന്നാണ് നേതാക്കൾക്ക് പൊതുവേയുള്ള അഭിപ്രായം. അഭിപ്രായ വ്യത്യാസങ്ങളുണ്ടെങ്കിലും കോൺഗ്രസുമായി സഹകരിച്ച് പോകണമെന്നാണ് നേതാക്കളുടെ പൊതുനിലപാട്. തദ്ദേശതെരഞ്ഞെടുപ്പിന് പിന്നാലെയാണ് ആർ.എസ്.പി-യു.ഡി.എഫ് അഭിപ്രായ ഭിന്നത രൂക്ഷമായത്.
