മോസ്കോ: പോപ് ഗായകന് ദിമ നോവയെ മുങ്ങിമരിച്ച നിലയില് കണ്ടെത്തി. അദ്ദേഹത്തിന് 34 വയസ്സായിരുന്നു. റഷ്യന് പ്രസിഡന്റ് വ്ലാഡിമിര് പുതിന്റെ കടുത്ത വിമര്ശകനായിരുന്ന പോപ് ഗായകന് ദിമ . ചൊവ്വാഴ്ച രാത്രി വോള്ഗ നദി മറികടക്കാന് ശ്രമിക്കുന്നതിനിടെ മഞ്ഞില് വഴുതിയായിരുന്നു അപകടം. ക്രീം സോഡ എന്ന പോപ് ഗ്രൂപ്പിന്റെ സ്ഥാപകനായിരുന്നു ദിമ. അപകടസമയത്ത് ദിമയുടെ സഹോദരന് റോമയും മറ്റു രണ്ട് സുഹൃത്തുക്കളും ഒഒപ്പമുണ്ടായിരുന്നെന്നും ഇവരും അപകടത്തില്പ്പെട്ടെന്നുമാണ് റിപ്പോര്ട്ട്.
ദിമ നോവയുടെ അക്വാ ഡിസ്കോ മോസ്കോയുടെ ഉക്രെയ്ന് അധിനിവേശത്തിനെതിരായ പ്രതിഷേധങ്ങളില് ഈ ഗാനം പലപ്പോഴും ആലപിക്കപ്പെട്ടു. മാത്രമല്ല പ്രതിഷേധങ്ങളെ ‘അക്വാ ഡിസ്കോ പാര്ട്ടികള്’ എന്ന് വിളിക്കുകയും ചെയ്തു. ഇല്യ ഗദേവിനൊപ്പം നോവ ക്രീം സോഡ സ്ഥാപിച്ചു. പിന്നീട് ഗായിക അന്ന റൊമാനോവ്സ്കയയും അവരോടൊപ്പം ചേര്ന്നു. 2019ല് ‘നോ മോര് പാര്ട്ടികള്’ എന്ന ഗാനത്തിലൂടെ മൂവരും വലിയ ഹിറ്റായി.
