കോന്നി : വനിതാ ശിശു വികസന വകുപ്പ് പത്തനംതിട്ട ജില്ലാ ശിശു വികസന ഓഫീസും കോന്നി എം എം എൻ എസ് എസ് കോളേജ് എന്നിവയുടെ സംയുക്താഭിമുഖ്യത്തിൽ കോന്നി എം എം എൻ എസ് എസ് കോളേജിൽ സ്ത്രീയും തൊഴിലും എന്ന വിഷയത്തിൽ സംഘടിപ്പിച്ച സെമിനാർ കോളേജ് പ്രിൻസിപ്പാൾ ജ്യോതി ആർ ഉദ്ഘാടനം ചെയ്തു. ജില്ലാ ശിശു വികസന ഓഫീസർ അബ്ദുൽ ബാരി യു അധ്യക്ഷത വഹിച്ചു. ആത്മ മൈ മൈൻഡ് മൈ കെയർ ചെയർപെഴ്സൺ ഡോ സിജിയ ബിനു ക്ലാസ് നയിച്ചു.വനിതാ ശിശു വികസന വകുപ്പ് നടപ്പിലാക്കി വരുന്ന ക്ഷേമ പദ്ധതികളും നിയമങ്ങളും എന്ന വിഷയത്തിൽ ജില്ലാ വനിതാ ശിശു വികസന ഓഫീസർ അബ്ദുൽ ബാരി യു ക്ലാസ് നയിച്ചു. സോഷ്യൽ വർക്ക് ഡിപ്പാർട്ട്മെന്റ് എച്ച് ഓ ഡി വർഗീസ് സി ശാന്തി ബാലകൃഷ്ണൻ തുടങ്ങിയവർ സംസാരിച്ചു.
