കൊച്ചി : മണ്ഡലകാലത്ത് തീര്‍ത്ഥാടകരുടെ എണ്ണം വര്‍ധിപ്പിക്കാന്‍ ഹൈക്കോടതി അനുമതി നല്‍കി. ഇതനുസരിച്ച് പ്രതിദിനം 5000 തീര്‍ത്ഥാടകര്‍ക്ക് ശബരിമലയില്‍ ദര്‍ശനം നടത്താം. ഡിസംബര്‍ 20 മുതലാണ് ഇത് നിലവില്‍ വരുക.
ആര്‍ടി പിസിആര്‍ ടെസ്റ്റില്‍ നെഗറ്റീവ് ആയ തീര്‍ത്ഥാടകരെ മാത്രമേ ശബരിമലയില്‍ അനുവദിക്കാവുവെന്ന് കോടതി അറിയിച്ചിട്ടുണ്ട്. അതായത് ആന്‍റിജന്‍ ടെസ്റ്റില്‍ നെഗറ്റീവായവര്‍ക്ക് ഇനിമുതല്‍ കയറാന്‍ സാധിക്കില്ല. മകവിളക്ക് സമയത്തും കോവിഡ് ടെസ്റ്റ് നടത്തണമെന്നും കോടതി അറിയിച്ചു. കൂടാതെ മകരവിളക്ക് സമയത്ത് തീര്‍ത്ഥാടകരുടെ എണ്ണം കൂട്ടുന്ന കാര്യത്തില്‍ ഉന്നതാധികാരസമിതിക്ക് തീരുമാനമെടുക്കാമെന്ന് കോടതി അറിയിച്ചു.
