ശബരിമല : തുലാമാസ പൂജകള് പൂര്ത്തിയാക്കി ശബരിമല ശ്രീ ധര്മ്മശാസ്താ ക്ഷേത്രനട നാളെ (21) അടയ്ക്കും. നാളെ പുലര്ച്ചെ അഞ്ചിന് നട തുറക്കും. 7.30 ന് ഉഷപൂജ, 12 ന് കലശാഭിഷേകം, തുടര്ന്ന് കളഭാഭിഷേകം. 12.30 ന് ഉച്ചപൂജ കഴിഞ്ഞ് 12.45 ന് ക്ഷേത്രനട അടയ്ക്കും. വൈകുന്നേരം അഞ്ചിന് നട തുറക്കും. 6.30ന് ദീപാരാധന. ഏഴിന് പടിപൂജ. എട്ടിന് അത്താഴപൂജ. 8.30 ന് ഹരിവരാസനം പാടി ക്ഷേത്രനട അടയ്ക്കും.
ചിത്തിര ആട്ട തിരുനാളിന്റെ ഭാഗമായി നവംബര് 12ന് വൈകുന്നേരം അഞ്ചിന് ക്ഷേത്രനട തുറക്കും. 13 ന് പൂജകള് പൂര്ത്തിയാക്കി നട അടയ്ക്കും. 15 ന് മണ്ഡല മകരവിളക്ക് ഉത്സവത്തിനായി നട തുറക്കും. ശബരിമല – മാളികപ്പുറം മേല്ശാന്തിമാരുടെ സ്ഥാനാരോഹണവും 15 ന് നടക്കും.
