ശബരിമല : ഇന്ന് വൃശ്ചികം ഒന്ന്, മണ്ഡലകാലത്തിന് തുടക്കമായി. പുലര്ച്ചെ നാലിന് നട തുറന്നപ്പോള് മുതല് തീര്ഥാടകരെ കടത്തി വിട്ടുതുടങ്ങി. ഇന്ന് പതിനായിരത്തില് താഴെ ആളുകള് മാത്രമെ വെര്ച്വല് ക്യൂവില് ബുക്ക് ചെയ്തിട്ടുള്ളു. കാലവസ്ഥ പ്രതികൂലമായതിനാല് പമ്പാ സ്നാനത്തിന് അനുമതിയില്ല. പമ്പയില് നിന്നു സ്വാമി അയ്യപ്പന് റോഡിലൂടെയാണ് ഭക്തരെ കടത്തി വിടുന്നത്. മൂന്ന് ദിവത്തേക്ക് സ്പോട്ട് ബുക്കിങ് ഉണ്ടായിരിക്കില്ല.
മണ്ഡല – മകരവിളക്ക് ഉല്സവത്തിനായി ശബരിമല നട ഇന്നലെ വൈകുന്നേരമാണ് തുറന്നത്. ശബരിമല മേല്ശാന്തിയായി എന്.പരമേശ്വരന് നമ്പൂതിരിയും മാളികപ്പുറം മേല്ശാന്തിയായി ശംഭു നമ്പൂതിരിയും ഇന്നലെ ചുമതലയേറ്റു. ദേവസ്വം മന്ത്രിയുടെ അധ്യക്ഷതയില് രാവിലെ പതിനൊന്നിന് ശബരിമലയില് അവലോകന യോഗം ചേരും.
