പുളിക്കീഴ് : പരുമല കെവിഎൽപി സ്കൂളിൽ വിദ്യാർഥികളിലും രക്ഷിതാക്കളിലും സുരക്ഷാബോധവും സാമൂഹിക ഉത്തരവാദിത്വ ബോധവും വളർത്തുന്നതിനായി സുരക്ഷാ ബോധവത്കരണ ക്യാമ്പ് സംഘടിപ്പിച്ചു. കടപ്ര ഗ്രാമപ്പഞ്ചായത്ത് പ്രസിഡന്റ് നിഷ അശോകൻ ക്യാമ്പ് ഉദ്ഘാടനം ചെയ്തു. പ്രഥമാധ്യാപിക എസ്. സിബി അധ്യക്ഷത വഹിച്ചു. ക്യാമ്പിന്റെ ഭാഗമായി പുളിക്കീഴ് എഎസ്ഐ രാജേഷ് കുമാറും, സിപിഒ എസ്. അലോകും ചേർന്ന് വിദ്യാർഥികൾക്ക് ബോധവത്കരണ ക്ലാസ് നടത്തി. വ്യക്തിഗത സുരക്ഷ, റോഡ് സുരക്ഷ,
സോഷ്യൽ മീഡിയയുടെ ഉത്തരവാദിത്വപരമായ ഉപയോഗം തുടങ്ങി വിവിധവിഷയങ്ങളിൽ വിശദീകരണവും ചർച്ചയും നടത്തി. സ്കൂൾ മാനേജർ ജോൺ കുരുവിള, പിടിഎ പ്രസിഡന്റ് ജി. പ്രബിത, എച്ച്എംസി ചെയർമാൻ എം.എൻ. ലക്ഷ്മണൻ, ജൂനിയർ ഹെൽത്ത് ഇൻസ്പെക്ടർ കാവ്യ സുരേഷ്, പൂർവവിദ്യാർഥി സംഘടന പ്രസിഡന്റ് ജി. ശ്രീരേഖ, സി.ആർ. രേഷ്മ, വി. പ്രീത, കിൻസി ജോൺ, ലക്ഷ്മി സി.പിള്ള എന്നിവർ പ്രസംഗിച്ചു.
