ഇരവിപേരൂർ : വിഷുക്കാലം ലക്ഷ്യമാക്കി ജനകീയ സമഗ്ര പച്ചക്കറി കൃഷിക്ക് വെണ്ണിക്കുളത്ത് തുടക്കമായി. വെള്ളിയാഴ്ച രാവിലെ സിപിഐ എം ജില്ലാ സെക്രട്ടറി കെ.പി ഉദയഭാനു പച്ചക്കറി വിളവെടുപ്പ് നടത്തി ഉദ്ഘാടനം ചെയ്തു. ആദ്യ വില്പന ബ്ലോക്ക് പ്രസിഡന്റ് ശോശാമ്മജോസഫ് നടത്തി. കർഷക സംഘം ഏരിയാ സെക്രട്ടറിയും ജില്ലാ പഞ്ചായത്തംഗവുമായ ജിജി മാത്യം വിന്റെ നേതൃത്വത്തിൽ ഡിവൈഎഫ്ഐ, കർഷക സംഘം, കെ എസ് കെ ടി യു, എൻ ആർ ഈ ജി ഡബ്ലിയു യു, എ ഐ ഡി ഡബ്ലിയു എ എന്നീ സംഘടനകളാണ് നേതൃത്വം വഹിചിരുന്നത്.
മാർക്കറ്റിംഗ് കൃഷി അസിസ്റ്റന്റ് ഡയറക്ടർ മാത്യു എബ്രഹാം, കൃഷി ഓഫീസർ ലതാ മേരി തോമസ്, ഫീൽഡ് അസിസ്റ്റന്റ് എൻ.സുനിൽകുമാർ, കർഷക സംഘം സെക്രട്ടറി നാജീബ് റാവുത്തർ, കെ എസ് കെ ടി യു ജില്ലാ കമ്മിറ്റി അംഗം അമ്മിണി ജോൺ, മാത്യു, അഡ്വ.സിറിൽ ടി ഈപ്പൻ, ഏരിയ കമ്മിറ്റി അംഗം അലക്സ് തോമ്മസ്, ലോക്കൽ സെക്രട്ടറി സുനിൽ വർഗീസ്, കർഷക സംഘം ഏരിയ പ്രസിഡന്റ് അഡ്വ.അഭിലാഷ് ഗോപൻ, ഗ്രാമപഞ്ചയത്തു അംഗങ്ങളായ ഷിജു പി കുരുവിള, സാബു ബഹാന്നാൻ, സുനിത റ്റി, രാജു പുളിമൂട്, ഡി വൈ എഫ് ഐ മേഖല സെക്രട്ടറി ജോജി മാത്യം, ജോർജ് വർഗീസ്, സി ഡി എസ് ചെയ്യർപേഴ്സൺ ഓമന കുമാരി എന്നിവർ സംസാരിച്ചു.
