സാംസങ് ഗ്യാലക്സി എസ്24 ലോഞ്ച് ഇവന്റിന് ഇനി അധിക നാളില്ല. രാജ്യത്തെ ഏറ്റവും വലിയ ബ്രാൻഡുകളിൽ ഒന്നായ സാംസങ് ഈ ഫ്ലാഗ്ഷിപ്പ് ഫോണിൽ എന്തൊക്കെയാണ് ഉൾപ്പെടുത്തിയിരിക്കുന്നതെന്ന് കണ്ടറിയാം. ഫോണിന്റെ കൂടുതൽ വിവരങ്ങൾ ഓണലൈനിൽ പ്രചരിക്കുകയാണ്. ഫോണിൽ എഐ സാങ്കേതിക വിദ്യ ഉപയോഗപ്പെടുത്തിയിട്ടുണ്ടെന്നാണ് പുതിയ റിപ്പോർട്ട്. “ജനറേറ്റീവ് എഡിറ്റ്” എന്ന ഫീച്ചറാണ് ഈഫോണിനെ വ്യത്യസ്തമാക്കുന്ന സവിശേഷത. ഫോട്ടോകളിൽ നിന്ന് അനാവശ്യ ഘടകങ്ങൾ അനായാസം നീക്കം ചെയ്യുന്നതിനുള്ള ഒരു സംവിധാനമായാണ് ഇത്. പിക്സൽ 8 സീരീസിൽ അവതരിപ്പിച്ച ഗൂഗിളിന്റെ മാജിക് ഇറേസർ ടൂളുമായി സാമ്യമുള്ളതാണ് “ജനറേറ്റീവ് എഡിറ്റ് എന്ന സംവിധാനവും. ഗ്യാലക്സി എസ് 24 സീരീസിലെ ജനറേറ്റീവ് എഡിറ്റ് ഫീച്ചറിനും ഇന്റർനെറ്റ് കണക്ഷൻ ആവശ്യമാണ്.
അതേസമയം ഈ സീരിസിലെ ഏറ്റവും പ്രീമിയമായ എസ്24 അൾട്രയിൽ കൂടുതൽ മെച്ചപ്പെട്ട ഫീച്ചറുകൾ ഉണ്ടാവുമെന്ന് നേരത്തെ റിപ്പോർട്ടുകളുണ്ടായിരുന്നു. സാംസങ് ഗ്യാലക്സി എസ്24 അൾട്ര അതിന്റെ മുൻ മോഡലിനെ അപേക്ഷിച്ച് 56 ശതമാനം ബിൽഡ് സ്ട്രെങ്ത് വർധിപ്പിച്ചാവും എത്തുക. ടൈറ്റാനിയം ഫ്രെയിമും നവീകരിച്ച ഗൊറില്ല ഗ്ലാസും സംയോജിപ്പിച്ചതാണ് ഇത് രൂപകൽപ്പന ചെയ്തിരിക്കുന്നത്. ഈ ഫോണിനെ കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല. ധാരാളം ഇന്ത്യൻ ഉപഭോക്താക്കാൾ വിശ്വസം അർപ്പിക്കുന്ന ബ്രാൻഡുകളിൽ ഒന്നാണ് സാംസംങ്.അതുകൊണ്ട് തന്നെ ഇതും മികച്ച ഫോൺ തന്നെയാവും.
