കോഴിക്കോട് : ഗുരുവായൂരപ്പന് കോളജില് നിന്ന് വ്യാപകമായി ചന്ദനമരം മുറിച്ചുകടത്തുന്നതായി പരാതി. സംഭവത്തില് പ്രതിഷേധിച്ച് എസ്.എഫ്.ഐയുടെ നേതൃത്വത്തില് പ്രിന്സിപ്പല് ഓഫീസ് ഉപരോധിച്ചു. ജില്ലാ ഫോറസ്റ്റ് ഓഫീസര് സ്വമേധയാ കെസെടുത്ത് അന്വേഷണം തുടങ്ങി. രണ്ടു ദിവസം മുമ്പാണ് പി.ജി.ബ്ലോക്കിലെ രണ്ട് ചന്ദനമരങ്ങള് മുറിച്ച് മാറ്റിയതായി കണ്ടെത്തിയത്. ഒരു മരം പാതി മുറിച്ച നിലയിലാണ്.
ഇതു സംബന്ധിച്ച് പരാതി പറഞ്ഞപ്പോള് സി.സി.ടി.വി ഓഫായിരുന്നെന്നാണ് പ്രിന്സിപ്പല് മറുപടി നല്കിയതെന്ന് എസ്.എഫ്.ഐ യൂണിറ്റ് ജോയിന്റ് സെക്രട്ടറി എ.അഭിനന്ദ് ആരോപിച്ചു. കഴിഞ്ഞവര്ഷവും ഇതേപോലെ കോളജ് കോമ്പൗണ്ടില് നിന്ന് ചന്ദനമരം മുറിച്ച് കടത്തിയിരുന്നു. അപ്പോഴും സി.സി.ടി.വി ഓഫായിരുന്നു. കോളജ് കോമ്പൗണ്ടില് കറന്റില്ലാത്ത സമയവും സി.സി.ടി.വി ഓഫാകുകയും ചെയുന്ന സമയം കൃത്യമായി അറിയാവുന്നവരാണ് ഇതിന് പിന്നിലെന്നും എസ്.എഫ്.ഐ ആരോപിച്ചു.
