കാഞ്ഞങ്ങാട് : വീട്ടിലെ അടുക്കളയില് ഒളിപ്പിച്ച നിലയില് അഞ്ചരക്കിലോ ചന്ദനച്ചീളുകള് വനപാലകര് പിടികൂടി. ബിരിക്കുളം നെല്ലിയറയിലെ കെ.കരുണാകരന്റെ വീട്ടില്നിന്നാണ് ചന്ദനം പിടിച്ചെടുത്തത്. രഹസ്യവിവരത്തിന്റെ അടിസ്ഥാനത്തില് നടന്ന പരിശോധനയിലാണ് പിടിച്ചത്. പ്രതിയെ പിടികൂടാനായില്ലെന്നും അന്വേഷണം നടക്കുന്നതായും കാഞ്ഞങ്ങാട് ഫോറസ്റ്റ് റേഞ്ച് ഓഫിസര് കെ.അഷ്റഫ് പറഞ്ഞു.
കരുണാകരന് നേരത്തേയും ചന്ദനക്കേസില് പ്രതിയായിട്ടുണ്ടെന്ന് വനപാലകര് പറഞ്ഞു. ഉദ്യോഗസ്ഥരായ ബി.എസ് വിനോദ് കുമാര്, മറുതോം സെക്ഷനിലെ വി.വി പ്രകാശന്, കെ.വിശാഖ്, ഡോണ കെ അഗസ്ത്യന്, കെ.വി അരുണ്, ജി.എ ജിതിന് എന്നിവര് ചേര്ന്നാണ് പിടികൂടിയത്.