തിരുവനന്തപുരം : ശംഖുമുഖം ദേവീ ക്ഷേത്രത്തില് കുരിശ് രൂപത്തില് നിര്മ്മിക്കുന്ന മണിമന്ദിരത്തിന്റെ നിര്മ്മാണം നിര്ത്തിവെച്ചു. മണിമന്ദിരം നിര്മ്മിക്കുന്ന ദേവസ്വം ബോര്ഡിന്റെ തീരുമാനത്തിനെതിരെ വ്യാപക വിമര്ശനം ഉയര്ന്നതിന് പിന്നാലെയാണ് നിര്മ്മാണ പ്രവര്ത്തനങ്ങള് നിര്ത്തിവെച്ചത്. മണിമന്ദിരത്തിന്റെ നിര്മ്മാണം ക്ഷേത്രവാസ്തുവിന് വിരുദ്ധമാണെന്ന് പരാതി ഉയര്ന്നിരുന്നു. ക്ഷേത്രമുറ്റത്തെ ഈ കുരിശുരൂപം ക്ഷേത്രാചാരങ്ങളെ തകര്ക്കാന് ലക്ഷ്യമിട്ടുള്ളതാണെന്നാണ് ആരോപണം. അഞ്ച് ലക്ഷം രൂപ ചെലവ് വരുന്ന മണിമന്ദിരം പ്രവാസിയായ രഞ്ജിത്ത് ശങ്കര് വഴിപാടായി നിര്മ്മിച്ച് നല്കുന്നതാണ്. മണിമന്ദിരത്തിന്റെ നിര്മ്മാണ ചുമതല ക്ഷേത്ര ഉപദേശക സമിതിയ്ക്ക് ആയിരുന്നു. കുരിശ് രൂപത്തില് മണിമന്ദിരം ഉയര്ന്നതിന് പിന്നാലെ ഇതിന്റെ നിര്മ്മാണം നിര്ത്തിവെയ്ക്കാന് നിര്ദ്ദേശിച്ചതായി രഞ്ജിത്ത് ശങ്കര് വ്യക്തമാക്കി. കുരിശ് ആകൃതിയിലുള്ള മണിമന്ദിരത്തിന് മാറ്റം വരുത്തുമെന്ന് ഉപദേശക സമിതി സെക്രട്ടറി പി സാഹു അറിയിച്ചു.
