വളാഞ്ചേരി : പട്ടാമ്പി റോഡിലെ ബാറില് ജീവനക്കാര്ക്ക് നേരെ പെട്രോള് ബോംബറിഞ്ഞ പുറമണ്ണൂര് സ്വദേശി സൈദലവി (32) എന്ന മുല്ലമൊട്ടുവിനെ അറസ്റ്റ് ചെയ്തു. ബാറിലെത്തിയവര് തമ്മില് വാക്തര്ക്കവും സംഘര്ഷവുമുണ്ടാവുകയും ചെയ്തപ്പോള് ജീവനക്കാരെ കൈയേറ്റം ചെയ്യുകയും പെട്രോള് ബോംബ് എറിയുകയുമായിരുന്നു. പോലീസ് എത്തിയാണ് രംഗം ശാന്തമാക്കിയത്. ഇന്സ്പെക്ടര് കെ.ജെ ജിനേഷിന്റെ നേതൃത്വത്തില് എസ്.ഐ എന്.മുഹമ്മദ് റഫീഖ്, സീനിയര് സിവില് ഓഫിസര്മാരായ അബ്ദുറഹ്മാന്, ജെറീഷ്, സി.പി.ഒ മാരായ പ്രദീപ്, ജോബിന്, ശ്രീജിത്ത് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയില് ഹാജരാക്കി റിമാന്ഡ് ചെയ്തു.
