പാലക്കാട് : ആര്എസ്എസ് പ്രവര്ത്തകന് സഞ്ജിത്ത് വധക്കേസില് ഒരാള് കൂടി അറസ്റ്റില്. കൊലപാതകത്തില് നേരിട്ട് പങ്കെടുത്തയാളാണ് അറസ്റ്റിലായത്. തിരിച്ചറിയല് പരേഡുള്ളതിനാല് അറസ്റ്റിലായ ആളുടെ പേര് വിവരങ്ങള് വെളിപ്പെടുത്തിയിട്ടില്ല. ഇതോടെ കൃത്യത്തില് പങ്കെടുത്ത അഞ്ചുപേരില് നാലുപേരും അറസ്റ്റിലായതായി പോലീസ് അറിയിച്ചു.
നവംബര് 15നാണ് സഞ്ജിത്തിനെ പട്ടാപ്പകല് നടുറോഡില് വെച്ച് വെട്ടി കൊലപ്പെടുത്തിയത്. സംഭവം ഉണ്ടായി ഒരു മാസം പിന്നിട്ടിട്ടും മുഴുവന് പ്രതികളെയും പിടികൂടാന് പോലീസിന് കഴിയാത്ത സാഹചര്യത്തില് പോലീസ് ജാഗ്രത കാണിക്കുന്നില്ലെന്ന് ചൂണ്ടിക്കാട്ടി കുടുംബം ഹൈക്കോടതിയെ സമീപിച്ചിരുന്നു.
