കാലടി : ശ്രീ ശങ്കരാചാര്യ സംസ്കൃത സര്‍വകലാശാലയിലെ സെന്റർ ഫോർ ബുദ്ധിസ്റ്റ് സ്റ്റഡീസും കാലടി എസ്.എൻ.ഡി.പി ലൈബ്രറിയും സംയുക്തമായി സംഘടിപ്പിക്കുന്ന സെമിനാർ ജൂൺ എട്ടിന് വൈകിട്ട് ആറിന് എസ്.എൻ.ഡി.പി ലൈബ്രറി ഹാളിൽ നടക്കുമെന്ന് സെന്റർ കോ-ഓർഡിനേറ്റർ ഡോ.അജയ് എസ് ശേഖർ അറിയിച്ചു. സംസ്കൃതം സാഹിത്യ വിഭാഗം പ്രൊഫസറും സർവ്വകലാശാലയുടെ ഇന്റേണൽ ക്വാളിറ്റി അഷ്വറൻസ് സെൽ ഡയറക്ടറുമായ ഡോ.ടി.മിനി സെമിനാർ നയിക്കും. ‘ബുദ്ധദർശനം മലയാള വിവർത്തനങ്ങളിലൂടെ’ എന്നതാണ് വിഷയം. ഫെയ്സ്ബുക്ക് ലൈവിലൂടെയും (ബുധസംഗമം കാലടി) സെമിനാറിൽ പങ്കെടുക്കാം.
