ആനാവൂരിന് സമീപം ശാസ്താംപാറയില്‍ മണ്ണിടിച്ചില്‍

നെയ്യാറ്റിന്‍കര : കുന്നത്തുകാല്‍ പഞ്ചായത്തിലെ ആനാവൂരിന് സമീപം ശാസ്താംപാറയില്‍ മണ്ണിടിച്ചില്‍. ആളപായമില്ല. തുടര്‍ച്ചയായി പെയ്ത കനത്തമഴയിലാണ് മണ്ണിടിഞ്ഞത്. പ്രദേശത്തെ പത്തുകുടുംബങ്ങളോട് മാറിതാമസിക്കാന്‍ ആവശ്യപ്പെട്ടിട്ടുണ്ട്. കുന്നത്തുകാല്‍ പഞ്ചായത്തിലെ ആനാവൂരിന് സമീപം ശാസ്താംപാറ കുളക്കോട് ഭാഗത്തെ ഇടറോഡിലാണ് മണ്ണിടിഞ്ഞ് വീണത്. ഇന്നലെ രാത്രി പെയ്ത കനത്തമഴയില്‍ മണ്ണ് കുത്തിയൊലിച്ച് ജനവാസമേഖലയിലെത്തി. ഇവിടെ പാറമടകളും പാറപ്പൊടി നിര്‍മ്മാണ യൂണിറ്റുകളും പ്രവര്‍ത്തിക്കുന്നുണ്ട്.