ആറന്മുള : വര്ഷങ്ങളായി ആറന്മുള എയർപോർട്ട് ഗ്രൗണ്ടിൽ കുടിൽ കെട്ടി താമസിച്ചിരുന്ന കോന്നി – കുമ്മണ്ണൂർ കാരുവള്ളി വീട്ടിൽ സൗദാമിനിയമ്മയെ (73) കിടങ്ങന്നൂർ കരുണാലയം അമ്മവീട് ഏറ്റെടുത്തു. ഹൃദ്രോഗത്താൽ ബുദ്ധിമുട്ടിലായിരുന്നു ഇവര്. തുടർ ചികിത്സയോ ഭക്ഷണമോ കൃത്യമായി ലഭിച്ചിരുന്നില്ല. ഈ അവസ്ഥ കണ്ടറിഞ്ഞ അയൽവാസികൾ വിവരം പഞ്ചായത്തിലറിയിക്കുകയും തുടർന്ന് ആറന്മുള പഞ്ചായത്ത് ചെയർപേഴ്സൺ വി. ആർ കാവേരിയുടെ ശുപാർശ പ്രകാരം നാട്ടുകാരുടെ സാന്നിദ്ധ്യത്തിൽ സൗദാമിനിയമ്മയെ കിടങ്ങന്നൂർ കരുണാലയം അമ്മവീട് പ്രവര്ത്തകര് ഏറ്റെടുക്കുകയുമായിരുന്നു.
